lirik lagu gullaldr – burzum
þá kemr inn mæri
mögr hlóðynjar,
gengr óðins sonr
við orm vega,
drepr af móði
miðgarðs véurr,
munu halir allir
heimstöð ryðja;
gengr fet níu
fjörgynjar burr
neppr frá naðri
níðs ókvíðnum.
sól tér sortna,
sígr fold í mar,
hverfa af himni
heiðar stjörnur;
geisar eimi
ok aldrnari,
leikr hár hiti
við himin sjalfan.
geyr nú garmr mjök
fyr gnipah-lli,
festr mun slitna
en freki renna;
fjölð veit ek fræða
fram sé ek lengra
um ragna rök
römm sigtíva.
sér hon upp koma
öðru sinni
jörð ór ægi
iðjagræna;
falla forsar,
flýgr örn yfir,
sá er á fjalli
fiska veiðir.
finnask æsir
á iðavelli
ok um moldþinur
máttkan dæma
ok minnask þar
á megindóma
ok á fimbultýs
fornar rúnir.
þar munu eftir
undrsamligar
gullnar töflur
í grasi finnask,
þærs í árdaga
áttar höfðu.
munu ósánir
akrar vaxa,
böls mun alls batna,
baldr mun koma;
búa þeir höðr ok baldr
hrofts sigtoftir,
vé valtíva.
vituð ér enn – eða hvat?
þá kná hænir
hlautvið kjósa
ok burir byggja
bræðra tveggja
vindheim víðan.
vituð ér enn – eða hvat?
sal sér hon standa
sólu fegra,
gulli þakðan
á gimléi;
þar skulu dyggvar
dróttir byggja
ok um aldrdaga
ynðis njóta.
lirik lagu lainnya :
- kumpulan lirik lagu bentley mka › lirik lagu freestyle la meute #3 – bentley mka
- kumpulan lirik lagu thomas helmig › lirik lagu støvregn – thomas helmig
- kumpulan lirik lagu dala pai pai › lirik lagu ça kick lourd frère – dala pai pai
- kumpulan lirik lagu hooss › lirik lagu alcoolisé – hooss
- kumpulan lirik lagu matheusmt › lirik lagu vapor – matheusmt
- kumpulan lirik lagu vandal › lirik lagu rag ragga – vandal
- kumpulan lirik lagu o › lirik lagu american bully – o
- kumpulan lirik lagu cloud boat › lirik lagu hallow – cloud boat
- kumpulan lirik lagu beharie › lirik lagu let me out – beharie
- kumpulan lirik lagu seu jorge › lirik lagu a doida – seu jorge