lirik lagu a tamurt-iw – matoub lounès
ṭṭfeɣ leğmeε d rray-iw
tezzmeɣ iman-iw
ma ɣezzif yiles-iw
init-d ma s-εeḍfeɣ
a tamurt-iw, a dduḥ n temẓi-w
acimi i d-luleɣ ?
luleɣ-d, ḍalleɣ-d ɣer ddunit
ziɣemma d targit
kriɣ-tt tameddit
ṣṣbeḥ a tt-ffɣeɣ
a tamurt-iw, a dduḥ n temẓi-w
aḥbib ma t-kesbeɣ
tawwurt yeffren lesrar-iw
llin-tt yeḥbiben-iw
kecmen-tt yeεdawen-iw
lbaḍna-w teffeɣ
a tamurt-iw, a dduḥ n temẓi-w
fell-am ma ad rewleɣ ?
imi d-luleɣ d aqbayli
isem-iw imenɣi
xas teḥfa tdukli
a tt-id-ssmesdeɣ
ay at tmurt-iw
s tidi lmux-iw
ara ken-in-dehneɣ
fkiɣ ɣer ssuq isem-iw
γer rreḥba izzayriyen
ad yezzenz imeṭṭawen-iw
ma llan wid ara ten-yaɣen
ğeεleɣ a d-qḍuɣ lebɣi-w
ziɣen teqleb tewriqt-iw
anda akken ufiɣ leḥbab-iw
i d-ttnejmaεen yeεdawen
nestufa-d akk i tɣersi
ammus ɣef leεḍam yettban
ntett ayen ur d aɣ-nehwi
neqqar wa d aẓidan
tidet ttecceḍ deg yimi
degmi akka nuder d tirni
sebεa qama di lxali
lberr yexreb, ur iban
nettḥir ad nleqqem lekdeb
i wakken ad nɣellet lɣella-s
nemḥezwar s asegrireb
nettemḥezwar ɣer txidas
mi d-iban wemdan d ddheb
fell-as a d-nger leεğeb
di tidet a t-neskideb
alamma nhudd-as tissas
anda-t weqbayli iseḥḥan
d tisegnit daxel n walim
ur iban wemdan yeɣran
ur iban win yellan d abhim
asmi d-neffeɣ s iberdan
ziɣ akken a d-nawi imekwan
i sidi akk d si flan
-ss-a kul wa anda yeqqim
nnan win yeččan, yečča
win yegran tarbut tekkes
uɣalen akk d iqerra
widen i wumi ɣezzif yiles
annar i sen-d-nḍerra
nnif deg-s i yexnunes
cfiɣ usan-d s teḍsa
ad dduɣ di lğerra-nsen
nnan ilaq-aɣ tura
tamurt a s-nbeddel udem
yuɣal mi akken ur qbileɣ ara
ggullen ar d iyi-ssimsen
-ss-a wa yeqqar i wa
aqcic-nni d imciṭṭen
sswen aẓar n tecmat
yuɣ amḍiq di ddunit-iw
ur d iyi-d-teqqim tegmat
ṭṭlam idel tafat-iw
lfinga undin-tt, qurεen-tt
alamma tezla lferḥ-iw
ḍḥiɣ-d d aqell ger tizzya-w
anda ddiɣ a yi-yessweεden
i leḥbab qqleɣ d aεdaw
qlil win ɣaḍeɣ seg-sen
win i d-yuẓan ɣer lğerra-w
ad as-nnḍen am wegraw
lmux-is ad s-t-ssirden
cfiɣ ttejra yeknan
σebban ddel wafriwen-is
teṣber i tmes d iḥerqan
teṣber i cctawi d wegris
leḥbab ur iyi-gan ccan
rniɣ deεwessu imawlan
tewwi-yi ddaw iferrawen-is
cfiɣ aḍu lemḥibba
ul-iw -ssen mi t-yedhen
ggulleɣ ur ḥniteɣ ara
wwiɣ-as-d win i t-yessferḥen
di taddart ur bɣin ara
nnan-as irkell winna
ilaq win a t-yessferɣen
xas akken wwḍeɣ lebɣi-w
temɣi tteɣziza qerrḥen
xas akka aql-i s wexxam-iw
mazal-iten deg-i a kkaten
tɣedreḍ-iyi a tamurt-iw
ur teğğiḍ ara ixṣimen-iw
a sen-ẓmeɣ lebṣel s allen
tɣedreḍ-iyi a tamurt-iw
teğğiḍ mmaren idammen-iw
xnunsen di lqaεεa-inem
ah annaɣ a tamurt-iw
teswiḍ tidi leεḍam-iw
terriḍ ɣer lḥebs asirem
ad ruḥeɣ ad beddleɣ isem-iw
ssamsen-as wat taddart-iw
nnif-iw yettwaqeccem
skud akka ur yefcil wul-iw
ad nnejliɣ a tamurt-iw
ad rewleɣ si lbaṭel-inem
ur d iyi-d-yeqqim weḥbib
d acu iyi-d-yegran d nnṣib
siwa lemḥibba leḥlal
yid-s ad awiɣ abrid
ur d aɣ-d-iḥebbes usemmiḍ
iṭij ur d aɣ-yessefcal
ad nqelleb ɣef lweqt ajdid
balak di tmura lebεid
ara naf ddwa n temsal
ammar a d-ṣfun wussan
a ɣ-d-iṣaḥ umur di zzman
wamma -ss-a aql-aɣ di lmuḥal
ad nɣellet tidi-nneɣ yerɣan
am nekkni am imeɣban
nettrağu itri-nneɣ a d-ilal
akken wid i ɣ-yessweεden
a sen-yezzi s weεrur lawan
ad asen-yess-xreb lecɣal
d iẓekwan imawlan-iw
ara d-ğğeɣ d aẓar-iw
ur yelli wayen nniḍen
imi yi-yenker wakal-iw
ad ruḥen ad beddleɣ laṣel-iw
a d-yaki sseεd-iw yeṭṭṣen
a d-lhiɣ deg wexxam-iw
ad sseɣreɣ arraw-iw
d luɣa n medden ara ḥefḍen
dayen tefsed tmurt-iw
fkan afus watmaten-iw
zzenzen-tt i yeεdawen
γef wakken i ɣ-d-qqaren
di ccfaya-nsen yemɣaren
leεmer i ɣ-yeffiɣ wammus
larebεa n at yiraten
irumyen mi tt-id-kecmen
d nekkni i yefkan afus
mazal timsal-nniḍen
γezzifit am yemraren
ayen i d-ḥkiɣ drus
i yi-tt-igan d idammen-iw
mačči d kemm a tamurt-iw
ur lliɣ d aεdaw-inem
i yi-ixedεen d atmaten-iw
asmi akken i sen-ldiɣ ul-iw
uɣaleɣ la ttnaɣeɣ yid-m
ssmaḥ, ssmaḥ a tamurt-iw
xas ad tebεed tenṭelt-iw
err-itt-id s irebbi-inem
lirik lagu lainnya :
- kumpulan lirik lagu lil rell › lirik lagu catch me slidin – lil rell
- kumpulan lirik lagu feziboy › lirik lagu average joe – feziboy
- kumpulan lirik lagu starchaser › lirik lagu so high (martin roth remix) – starchaser
- kumpulan lirik lagu grid method › lirik lagu when you’re around – grid method
- kumpulan lirik lagu zene the zilla 제네 더 질라 › lirik lagu 우리 사이 (w-e) – zene the zilla (제네 더 질라)
- kumpulan lirik lagu couch cult › lirik lagu interstellar – couch cult
- kumpulan lirik lagu waluskraksakryzys › lirik lagu stany lękowe i deficyty dopaminy – waluśkraksakryzys
- kumpulan lirik lagu dario della noce › lirik lagu pas assez – dario della noce
- kumpulan lirik lagu lil kashin mane › lirik lagu putyourhandsdown we dont wan fight – lil kashin mane
- kumpulan lirik lagu bimi jpn › lirik lagu babel – bimi (jpn)