lirik lagu my definition – balti بلطي
عشت الفقر اما متربيتش جيعان
مرة عندي فلوس و حزين مرات فقير و فرحان
عادي كيف الناس الكل نعيش نهار و نهار
موش معناها نغني راب يعني سايه وليت ستار
مزلت ولد سيدي حسين كيف ما انا
مزلت مبنك تحت الحيط كان تحب ايجا بحذانا
تو تشيخ توا تعرف الزبراط و البطال
برشة ضحك و جو مع برشة فقر و دمار
عادي في الحومة ندور حافي في الكياس
حومة شعبي صاحبي ما تربيناش عل حقرة بين الناس
طويل صاحبي و كاسح كي الحجر
راس ا راس متغلبنيش ما نتغلب كان كي نتغدر
دمي سخون أما قلبي صافي حليب
تعلمت نقول الحق مفماشي كذب و تنوفيق
برشة أفلام أما عمري ما مثلت
إنا كيف ما انا كيف ما صاحي كيف ما سكرت
إنا إنسان كيف ما انتي إنسان
مرة نضعف مرة نجهل مرة يقوى الإيمان
مرة وقفت ورا الإمام و مرة وقفت ورا الكونتوار
و الحديث مع لصحاب و دبوزة مركوزة في البار
اللي فما فما أما برشة ناس تزيد
قالوا بلطي يحب ذهب و متكبر عل الحديد
ردوني زادة حقار كاسب بي ام و جاكوار
و نعدي في أياماتي بين بواتات و وتلا 5 اتوال
سي با نورمال خاطرني إنسان نورمال
عملت إسم كبير أما مزلت ولد الحومة و الدار
نفرحو كي نجيبو فلوس عادي إذا ما جيبناش
الطايح مرفوع الحمد لله ما نباتوش بلاش
إنا عادي عادي نعيش باللي عندي
نقسم اللي عندي كيف ما عندك كيف ما عندي
جندي نحارب في دنيا و كلنا جنود
وخيان نهزو بعضنا خويا ماناش يهود
أما ما نسامحشي اللي سبني في الغياب
يضحكلي في وجهي شيطان ورا وجه شباب
ولاو أرانب إذا حضرت و كلاب إذا نغيب
أما ما ننصحشي الارنب تدخل لوكر الذيب
تبعنا الحرام و احنا ولاد حلال
سامحني ربي إذا دخللي فرنك حرام في جيب السروال
جهال أما قرينا برشة خنن
الشيطان سكن بحذانا و كلى من لحمنا لين سمن
زمم فم يضحك قلب حزين
بالك خاطرني غرقت و ما تمدتليش ليدين
بالك غدوة فلو غدوة ما نعرفوش
ماعلبالي باليوم أما منيش إنسان معالبلوش
نخمم مادام قلبي حي
نحب نكسب و نكون أما ديما نبقى ولد الحي
كرهبتي و بداري المرا و الصغار
ان شاء لله ما تبقاش كتيبة عل لوراق بالحبار
ان شاء لله ما يبقاش حديث شي يغيض
سيه كبرت صاحبي نحب نكلمي نحب نريض
مريض و نداوي بالالكول
والوجيعة اللي في قلبي ما ينحيهاشي لادول
ملي ولينا جلد تماسح والمعدة معدة كلب
ملي شبعنا برشة عفس برشة كلات و برشة ضرب
قرب ماتخافش مني خوك
خاف من أصحابك صاحبي و أحفظ لغة عدوك
خاف مالجبان خاطر يغدر كي الضبع
و ما تخافش مالصيد خاطروا ما يكيلشي إذا شبع
خاف ملمرا خاطرها خرجت آدم مل جنة
و خاف ملي عصى خاطر ماعندك منو ما تستنى
إنا نخاف من ربي إذا طغيت
و نخاف مل أم إذا مرضاتش عليك
و نخاف من حساب و عذاب الميت
و نخاف ما نتعلمشي إذا قريت
تعلمنا الجوع أما ما عملناش فروع
و إذا عشنا حكاية ما خرجناشي عالموضوع
إذا فما ضحك ضحكنا و إذ بكينا بكينا دموع
ولد بلاد مطبوع مخلوق من طين منيش مصنوع
البنات.. معادش تفرق بين البنات
اناهي منهم بنت حلال و اناهي اللي تعوم في الفساد
البنات ماعاد علبالي بالبنات
مرحبا إذا جات معادش نبكي إذا مشات
برشة منهم يسخيلوني كاسب المليون
ما حبتنيش كإنسان أما حبت عالنجوم
ما تحلمشي برشة و ما تبنيش قصر رمل
خاطر الحقيقة كيما الريح تتعدى و تهز الكل
إنا كي ديامنت أما مطيش في بوبال
غارق في الميردا ايجا خرج بالحبال
ايجا خرجني كيما عيسى نترفع
بالك نلقى ناس أخرى تفهمني إذا رجعت
أمي قبل ما تجيبني كانت باش تعمل فوس كوش
راني إليوم منيش موجود راني إنسان ما تعرفوش
راك إليوم ماكش تسمع في بلطي اللي يغني راب
أما الحمد تولدت كلو بقداير الله
عطاتني شانس باش نعيش و باش نعرف دنيا شنية
دنيا طريق قصير جيت نبكي في أول ثنية
عطاتني شانس باش نعيش عطاتني شانس باش نموت
عطاتني شانس باش نعرف شنية معنى الوجود
هذا سر إذا تحكى الزوز م الناس معادش سر
الكلام هذا كتبتو وحدي بعد الساعة صفر
cest ca
c’est mon journal
en attendant la suite
balti
lirik lagu lainnya :
- kumpulan lirik lagu yem › lirik lagu bored in the house rmx – yem
- kumpulan lirik lagu infinite tracks › lirik lagu stop the clock (feat. inbal) – infinite tracks
- kumpulan lirik lagu onative › lirik lagu petersburg high – onative
- kumpulan lirik lagu kaczor brs › lirik lagu tory – kaczor brs
- kumpulan lirik lagu nerd 4real › lirik lagu equilíbrio – nerd 4real
- kumpulan lirik lagu boutross munene › lirik lagu mbaya – boutross munene
- kumpulan lirik lagu gecus › lirik lagu büdös – gecus
- kumpulan lirik lagu sizzling bacon › lirik lagu flip it over – sizzling bacon
- kumpulan lirik lagu aurum it › lirik lagu pegaso – aurum (it)
- kumpulan lirik lagu zae da blacksmith › lirik lagu the label – zae da blacksmith