lirik lagu viv an gè – d-fi powèt revòlte
kouplè 1
ou pa blije renmen m, men ou dwe respekte m
pandan lòt pa t aksepte batay, mwen m t ap batay pou y aksepte m
rap louvri je m
jan zòt te di a, depi lè m fèt lavi a sanksyone m
manman m se on ti machann, papa m te on ouvriye
premye sa m aprann se goumen
dezyèm sa m aprann se goumen
m soti kote on nèg ap bat on lòt pou degouden
m se bèf mizè pa t rive fè manje lanman
ki kanpe, pou sa chanje, se pa jou san manje k pral etenn flanm nan
ou dwe batay ak tout sa ou gen kòm zam
mwen m gen on mikwo on kalash nan mitan non l site castro sòlda
lavi n pa woz, f*ck phtk
brandi banyè n, lòt bò baryè gen vi, ann al rache sa
m pa t tann papa m te mouri konsa nan men m pou l te konprann
a a se pa sa k merite k jwenn men se sa k konn pran
reklame dwa m pou m viv tankou moun
kenpòt si m kontre lanmò m
m pral jwenn li an souriyan tankou malcolm
m ekri sa geto a sibi, malgre mwen m se pòt vwa l
e si m rim yo pa sifi nòmal pou koute bal
swa nou tout viv kou moun, swa nou tout peri ansanm
si wòch nan solèy pa konn dousè wòch nan dlo, wòch nan dlo dwe konn doulè wòch nan solèy
etènel konba nan vwa pi gran an, lè n travèse n a jere somèy
m pa pretann m ka mennen revolisyon, m pa che
men raple ou m ap mache pou peyi l, m pa nan kite peyi m mache
[kouplè 2]
diskou m pa chanje, kenpòt si m vin gen pi gran odyans
pèp pa makèt , vyolans reponn vyolans
divizyon an se pa nou k fè l, pandan ou ap dòmi an pè
manman m ap kouri anba bal, frè m ap tonbe nan gè
se galil k ap ba n ochan
timoun 16 an gadavou, kadav nou sèvi kavya pou kochon
pandan y ap vyole, masakre
ti sè n yo, g on ekip ti vouzan k ap depanse milyon n yo nan bwè kafe
il faut se rendre à l’évidence
vrè gè a se pa tokyo vs lasalin
men se palman vs la prezidans
kiyès gè a aranje
kòman ou vle viv anpè si ou ap jete manje pandan on lòt se tè l ap manje
panse ak nou sèl lè yo gen kanpay pou fèt
nou n vle jistis kou sankara
n vle dlo pou tout moun nan plas chanpay lpou kèk
tout frè ke mizè ini, m ap dil nou pi fò ansanm
listwa n dwe reekril e kenpòt si lank lan sot nan san n
pran lari lè se on devwa, dayè l se tribinal nou
non sèlman yo vyole dwa n, men nan tèt nou yo simen bal tou
se chan fistre yo, revòlte yo sa k refize soumèt yo
kri majinal yo, ekzile yo, sa k ap viv kou bèt yo
tchovi nan geto k ap tonbe kou mouch
flè dizè, johnny, bal mawon, sa k gen pou di k pa gen bouch
e si yo mande ou pouki se dife n mete
e paske vyolans se sèl sa k rete n
lirik lagu lainnya :
- kumpulan lirik lagu joe million › lirik lagu cepu – joe million
- kumpulan lirik lagu qdot feat zlatan › lirik lagu olopa (feat. zlatan) – qdot feat. zlatan
- kumpulan lirik lagu fujiiro › lirik lagu newyork – fujiiro
- kumpulan lirik lagu no thanx › lirik lagu saint city – no thanx
- kumpulan lirik lagu black soul horde › lirik lagu stone giants – black soul horde
- kumpulan lirik lagu ulysses villamin › lirik lagu water to wine – ulysses villamin
- kumpulan lirik lagu enp › lirik lagu 4 a.m. – enp
- kumpulan lirik lagu erasure › lirik lagu chains of love [remix] – erasure
- kumpulan lirik lagu audri nix › lirik lagu aléjate – audri nix
- kumpulan lirik lagu zounds › lirik lagu subvert – zounds