main nahi maanta - ali saffudin lyrics
deep jis ka sirf meh*llaat hi main jalay
chand logon ki khushyon ko lay ker chalay
wo jo saye main har maslihat kay palay;
aisay dastoor ko
subh e bay noor ko
main naheen maanta
main naheen jaanta
main bhee kha’if naheen takhta e daar say
main bhee mansoor hoon, keh do aghyaar say
kyun daraatay ho zindaan ki divar say
zulm ki raat ko
jehel ki baat ko
main naheen maanta
main naheen jaanta
phool shaakhon pay khilnay lag*y tum kaho
jaam rindon ko milnay lag*y tum kaho
chak seenon kay silnay lag*y tum kaho
iss khulay jhoot ko
zehan ki loot ko
main naheen maanta
main naheen jaanta
tum nay loota hai sadyon hamara sakoon
ab na hum per chalay ga tumhara fasoon
chara gar main tumhain kiss tara say kahoon?
tum naheen charaagar
koi maanay magar
main naheen maanta
main naheen jaanta
Random Song Lyrics :
- retrospect - mel t. eyes lyrics
- n.z.i.ö.n. - raffine lyrics
- ma réponse a slash kun ! ( clash .mp4 ) - neezay lyrics
- the mirror - absolute violence lyrics
- shake my shit - the nightwatchman lyrics
- together forever - blue monster & bikki lyrics
- la petrecere - morometzii lyrics
- hello love - jae jin lyrics
- heureusement tu penses a moi - claude françois lyrics
- lycka till - huskes lyrics