a b c d e f g h i j k l m n o p q r s t u v w x y z 0 1 2 3 4 5 6 7 8 9 #

etfarag ya salam (take a look) - badr dahi lyrics

[verse 1: badr dahi]

أتفرج يا سلام لام و أتفرج يا سلام
العسكر معسكر فى الحكم و مسكر
أوعاك تفكر تخبط على ببانوا
حتدق فمكانك و المشير أعد مكانه
الثورة قامت بس نامت و المشير أعد و ثابت
و أنت ساكت ؟ يا خسارة الناس اللى ماتت !
أتفرج يا سلام و سجل يا زمان
أتفرج ع التعتيم (—–) و التضليل فى الأعلام
أتفرج ع الثوار بين قوسين “بلطجية”
أتفرج جدع يا باشا .. أتفرج على عكاشة
أتفرج و أنت تروح وياه ع العباسية
أتفرج ع الوشوش اللى بتتلون و المطلية
أتفرج على أعدوا مع المجلس ع الطبلية
و أكلوا لحم و دم و الغاز هناك يتشم !
و شوف البرلمان نور , كتلة ولا أخوان
و عد كام شهيد من ماسبيرو للميدان
أتفرج على مبارك فى قفص الأتهام
أتفرج على مبارك فى القصر أصله عيان !
و خلى الرأى العام يتفرج على أفلام
يتكلم مع فان ديزل أو يتكلم مع فان دام
و مالوه .. مدام فى حالوه , خلى يربى عياله
غللولوا السكر , غلوا العيش و الغوا التموين
خلوُ يسب الثورة خلى يسب الدين
و برضو المجلس أعد و مش هيساعد فى التغيير
هيروح فين من نصيبوه , لازم يصيبوه
حقى أوعى تقولى أسيبوه .. حق الشهيد هجيبو
طب أفرح يا جبان مصر أتعرت فى الميدان
حزين على وصف مصر أكتر من عرض مصر ؟!
طب أفرح يا خسيس أنا دمى مش رخيص
حيدفنونى بدمى فى الجنة هكون عريس
يا دبابة لفى دورى و دوسى على ضلوعى
الثورة مستمرة … مش معنى موتى خضوعى

- badr dahi lyrics

Random Song Lyrics :

Popular