a b c d e f g h i j k l m n o p q r s t u v w x y z 0 1 2 3 4 5 6 7 8 9 #

nadalina - boris dvornik lyrics

[početak: boris dvornik]
ovo van je štorija o nadalini
more bit da vi znate nadalinu, a?
sva puca od lipote!
a jema je, da van pravo rečen, ča i vidit!
smantala bi ona i većega muškardina
a di neće ovakoga karonju ka ča san ja
a najskoli kad pere noge u dvor!
ajme!

[strofa 1: oliver dragojević]
kad nadalina noge toća
srid dvora u maštilu
jo, ke beleca, ke finoća
inšempja mladost cilu
svi gledadu u noge bile
uz bačve, karatile
jer slaja je od zrilog voća
kad nadalina noge toća
jer slaja je od zrilog voća
kad nadalina noge toća

[refren: oliver dragojević]
nadalina, nadalina
da si moja, nadalina
jemala bi muškardina
nadalina, nadalina
[prijelaz 1: boris dvornik]
jo, da mi je onog slatkog od fešte!
rožate, galetine, mandulati, torte, krokanti…
ni ništa slaje od slatkog!
morе bit da je samo slaja nadalina!
cili dvor zamiriše i poludi kad ona pravi slatko!
ajme!

[strofa 2: oliver dragojević]
kad nadalina misi slatko
u danе isprid fešte
jo, da je vidit bar na kratko
ča skriva ispod vešte
jer slatka je ka cukar fini
dok leti po kužini
i rado bi je jema svatko
kad nadalina misi slatko
i rado bi je jema svatko
kad nadalina misi slatko

[refren: oliver dragojević]
nadalina, nadalina
da si moja, nadalina
jemala bi muškardina
nadalina, nadalina
[prijelaz 2: boris dvornik]
jaja se * to cili svit zna!
moredu na mali milijun načina spravjat!
i u šorbulu, i na joko, sirova…
more ih se i u tvrdo, i u meko, i u gusto, i u ritko…
i sva svon mogućon spizon mutit!
al’ kad nadalina muti jaja, kad ih žbatije u terinu * to je prava fešta od jaj!
ajme!

[strofa 3: oliver dragojević]
kad nadalina muti jaja
zamuti pamet svima
i svakin danon sve je slaja
ka gucaj dobrog vina
na sebi jema sve na rige
iz ćaćine butige
i svi je želu, bez rataja
kad nadalina muti jaja
i svi je želu, bez rataja
kad nadalina muti jaja

[refren: oliver dragojević]
nadalina, nadalina
da si moja, nadalina
jemala bi muškardina
nadalina, nadalina
[prijelaz 3: boris dvornik]
e, vaja poć leć
finila je i ova
al’ kad nadalina gre leć, to pari ka da cvit počiva u cviću
ma da mi je koji put vidit kako se ono uvučije u posteju, kako ono sva miriše…
noć, zasvitli, cvrčki počnu pismu…
nadalina, nadalina…

[strofa 4: oliver dragojević]
kad nadalina gasi sviću
kraj otvorenih škura
jer lito je i sve u cviću
a malo noćni ura
pod ponistru tad momci stanu
i napravu galamu
da požele jon pismon sriću
kad nadalina gasi sviću
da požele jon pismon sriću
kad nadalina gasi sviću

[refren: oliver dragojević]
nadalina, nadalina
da si moja, nadalina
jemala bi muškardina
nadalina, nadalina

[završetak: oliver dragojević]
nadalina, nadalina
bit ćeš moja nadalina

- boris dvornik lyrics

Random Song Lyrics :

Popular