marboot be astek | مربوط بأستك - cairokee lyrics
[المقطع الاول]
نفس المكان بس اليوم جديد
نفس الحفلة وأنا كالعادة وحيد
نفس البنات والحكايات
مع اختلاف الأسماء
مزيكا بترقص
زحمة تفطس
والناس على بعضيها بتبصبص
ده بينفسن
دى بتلسّن
والجو مكهرب ومتنشن
دخلت واحدة شكلها غيرهم
باين قوى إنها مش منهم
أجمل واحدة من غير مجهود
لابسة عادى وشعرها مربوط
[اللازمة]
مربوط بأستيك وسط ناس بلاستيك
كله عامل فيها مستر بومباستيك
مربوط بأستيك وسط ناس بلاستيك
كله عامل فيها مستر بومباستيك
[المقطع الثاني]
عينى جت فى عينيها وحصل زلزال
و شبط فيها زى العيال
بس العيال كتيرة وبيسفوا وبيعاكسوها
وبيستفزوا ومع المزيكا بيهزوا
اللى ضرب شوطين والجرأة سايقاه
واللى شدّ لاينين والثقة واخداة
هدوم غالية وناس رخيصة
وكلّه هايص أكيد فى الهيصة
عينى جت فى عينيها من جديد
اتكسفت بصّت بعيد
حصلت مفاجأة
فكت شعرها فجأة وسط المكان
بعد ما كان
[اللازمة]
مربوط بأستيك وسط ناس بلاستيك
كله عامل فيها مستر بومباستيك
مربوط بأستيك وسط ناس بلاستيك
كله عامل فيها مستر بومباستيك
[جسر]
حاولت أفتح كلام معاها لكن تنحت
بصتلى باحتقار من فوق لتحت
قولتلها أنا غيرهم
أنا مش منهم
وأتارى مفيش فرق بينى وبينهم
[اللازمة]
مربوط بأستيك وسط ناس بلاستيك
كله عامل فيها مستر بومباستيك
مربوط بأستيك وسط ناس بلاستيك
كله عامل فيها مستر بومباستيك
Random Song Lyrics :
- in the past - the chocolate watchband lyrics
- typhoon - lostboybk lyrics
- shoot yourself / împușcă-te (tryitonthestage rmx) - paraziții lyrics
- gates of hell (all my lox go to heaven) - maxthademon lyrics
- snowflake (acapella version) - kandis (kor) lyrics
- great is thy faithfulness - annie moses band lyrics
- títere - checa lyrics
- инстинкт (instinct) - хестон (heston) lyrics
- dua - canfeza lyrics
- fuck a hook - peezy lyrics