fares kawkabo - فارس كوكبه - eslam kabonga - إسلام كابونجا lyrics
[المقدمة]
أيوة، كده واحد صفر
دمكو من وشكو بيخر
إنتو اللي إبتديتوها بشر
فإتعودوا بقى على كده
إحنا ما كناش كده
بس إتكتب علينا نبقى كده
هشش، عشان فيجو الدخلاوي يخش
خش آفيجو آدخلاوي
فيجو الدخلاوي
[اللازمة]
فارس كوكبه
في عيون ياما عمالة تحسده
بس هيفضل على مبدأه
وهيفضل الفارس المميز
كترت أخصامه
بقى ماشي مش شايف قدامه
كلها شهدت على إجرامه
علشان الفارس بينفذ
[المقطع الأول]
مولود في الشارع
طالع شايف إخواتي محاربين
چنتل، مش صايع
بس بيتي ما يخلاش من السكاكين
بروح چيم، مصحح
وما ليش في الكيف ولا في الكيتامين
محافظ ع الصحة
طالع جبروت
طلعتي كله بيتحاكى عليها
ولحد الموت
بلعب جوالات على شرف الجيهة
بعمل مبسوط
بس أنا جوايا هموم بالكوم
إشتقت ليكي يا ضحكة
[اللازمة]
جولة وإرشاد
حبسة خدت باشا الباشوات
لبست أخويا كلبشات
مع إنه فارس بشهادة خصمه
فرد وطلقات
وكمين معمول من الظباط
في دقيقة واحدة الفارس إتشاط
هيتدفن من أجل رجولته
[المقطع الثاني]
يوسف البرازيلي
عجماوي وشارع الرضوان شارعه
يوسف البرازيلي
فارس ومشرف نفسه بنفسه
بيقول موجوع
طول ما البرازيلي الضيقة واخداه
عبده البرازيلي
بيقولكو لا إله إلا الله
بيتي عند الإمة
وكاتب إسمي عليه ببنط عريض
والشارع ضلمة
وأقرب واحد مننا بعيد
لو رجالة يلا
إنتظروني، بدبابة أنا جي
سكينة فتح الله
والله ما هخلي في واحد حي
[اللازمة]
توب الجدعنة
معمول أصلاً من أجلي أنا
والحبسة نصيبي يا ربنا
أنا راضي وفي المدة بقضي
ياما ما تبكيش
لو ودوني الهند هعيش
جوة وبرة أنا هاكل عيش
إوعي تخافي عليا يا أمي
[المقطع الثالث]
كام شهر وراجع
اللي بيقلقوا منه الأبطال
قلبي اللي واحشني
اللي غيابه عني إتمد وطال
جي جي يا فارس
علشان تخرس كل اللي إتقال
أصل إنت يابا واحشني
نفسي أقعد أتكلم
أنا وإنت وأقولك إيه اللي تاعبني
منك بتعلم
أصل إنت يا أخويا اللي مشرفني
عمالة بتضلم
طب إمتى تنور وتفرحني؟
وإمتى يابا ترجعلي؟
[اللازمة]
إخوات للأبد
بعترف إنكو ضهر وسند
أنا مش بكرتلكو بالعدد
بس الصورة كلها واحد
ساندين نفسنا
وبنزعل أوي على بعضنا
إحنا اللي بيسحب عندنا
كلها عليه بتتجاحد
فارس دايرته
ما بيمشيش من غير مطوته
بالجدعنة الناس عرفته
علشان كان ضهر الغلبان
عامل خصومات
من أجل الجدعنة إتشاط
إسمه مسمع في محافظات
لقبه صبح فارس الفرسان
[المقطع الرابع]
قاعد متمكن
جاله تليفون خلى مزاجه يتعكر
الأخصام نزلت
بيقولوا لازم الفارس يتعور
على أول شارعه
بدأت معركة بضرب النار
ولوحده فاتح مطوة
كات أول طلقة
هتصيبه، لكن ربنا سترها
بيقول مش فارقة
أخصامي نزلت، لازم أعورها
بيوسع سكة
وفاتح مذنبته وتارس ترس
ما رجعش لورا خطوة
[اللازمة]
أدى المطلوب
أخصامه خلعوا ومضوا هروب
بعد ما شافوا سلاحه مسحوب
كلها جريت بسلاحها
وما فيش موضوع
والفارس ولا سنتي رجوع
والأخصام وشها مقطوع
أصل الفارس بطوله كسحها
[المقطع الخامس]
اللي مزعلني
إن صحابي كانوا واقفين بيشاهدوا
والأخصام تارسة
جايبين عدة وأشبال بيجهزوا
لو حد مكاني
والنعمة ما كان هيقف لوحده
وكان هيبقى ضحية
بس أنا بنفسي
والحمد لله، كلها شاهدالي
وبيشهد خصمي
إن أنا كاسره ومديله العالي
وبغير على دمي
وبجيب حقي من بق السبع
متربي ع الرجولية
[اللازمة]
قصرت في حقي
عمري ما قصرت مع زمايلي
مين فيكو إتعارك من أجلي؟
أنا على طول أحاسبلكو
كله هيتحاسب
بس الصبر، في وقت مناسب
وخسارتي هرجعها مكاسب
البرازيلي راجعلكو
البرازيلي راجعلكو
[الخاتمة]
إسمه بيتذكر
بيهز ثقة أيها دكر
يوسف البرازيلي چنتل خطر
إياك تتخدع فيه
بيقول يا حديد
إنت اللي خليتني وحيد
عبده البرازيلي عني بعيد
ما هو قدوتي، أتشرف بيه
حمو الشحات
أجدع واحد بإثباتات
عنده في كل مدينة إخوات
حمو الشحات شاب نزيه
شمتوا في حبسته
بس هيقلقوا من رجعته
مؤمن هاني تكفي معاملته
أرجل واحد في الدنيا
قلبي معاك آتركي
من أول ثانية إنت واحشني
بكرة راجع إبراهيم التركي
يقلبلكو الآية في ثانية
وزيتو الشرس
خمسة وراجع وهيفترس
عبده وزة كاتم على نفس
أبطال ياما أساميها تقيلة
رضا علي جدعنة
رضا علي في القلب يا عمنا
بعده مأثر فينا كلنا
أنا بحسبلك كل ليلة
والسيمبا الأسد
ربنا يحرسه من الحسد
أخطر شاب عايش في البلد
بس الضيقة حبة وجوده
أخويا القمور
اللي بالجدعنة مشهور
من يوم ما فارقنا القمور
وإحنا نفسنا نشوفه
والقلب الطيب
حمو رجب عمره ما يتعيب
حمو رجب ده راجع قريب
إدعوله تهون عليه
ولا، لو جي في صيت
ما تجيش على سكة حطيت
الصيعة تراس، قلبه حديد
مهند الصيعة نزيه
الناس حبوه
لما إتعاملوا معاه ولقوه
راجل وبيزعل على أخوه
أحمد ياسر الدنچوان
القرموطي بطل
تحت طلبكم لو يتسأل
تيجي ع القرموطي هتتقتل
قدامه أي كلام خلصان
مشمش مطروش
وما فيش حد ما يعرفهوش
مشمش بيصد مع جيوش
إياكو تيجوله على سكة
ياسر الصعيدي
بيقول الحكايات في وريدي
هتخصم ياسر الصعيدي
هتلاقي عذاب ومشقة
شرف نفسه وأرضه
حمادة السقا اللي مشرف بلده
السقا الناس كلها بتحبه
السقا ready لأيها عركة
Random Song Lyrics :