a b c d e f g h i j k l m n o p q r s t u v w x y z 0 1 2 3 4 5 6 7 8 9 #

min taht hularzeh - من تحت هالأرزة - fairouz - فيروز lyrics

عَ شْطُوط البعيدِة وبالأرض البعيدِة قصيدِة
تتغنَّى وعنّك القصيدِة

من تحت هالأرزِة لآخر هالدنِي
نهر الرجال يسافر ويسقي الدنِي
إيدين وين ما كانْ
عم تشقَعْ الحيطانْ
تكتب إسم لبنانْ
بكل أرض ملوَّنِة
من تحت هالأرزة لآخر هالدَّنِي

مشْيِتْ مَرَاكبهُن
تقطع جزُر وبحورْ
عَ كلّ مينا تدورْ
ترسي مراكبهُن

مشْيِتْ مراكبنا
عمرا بعُمْر الضَوّ
قطعِتْ جبال النَوّ
ما عمرنا تعبنا

لاحْمل الغنّية
وفيها دورْ
عَ بيوت بِهالأرض وشْبابيك
بَكِّر مع العصفورْ
غَنِّيلُن غنانيكْ
إحكي الحكي عنكْ قلّهُن إنّكْ
ساكن بعينيِّي
تحلى وتتعمَّرْ
عنَّك الغنِّية
يا وطني الأخضرْ
يا وطني الشمس الربيعيِّة
لَروح بين الناسْ
إحكي لَكلّ الناس
عَ ترابك الياسمينْ
عَ أهلك الحلوينْ
الْـ بيسلّموا عالناس
المشرّعين بْوابهُن للغيرْ
بأرض تدفُق خيرْ
ومسافرين
عَ كلّ درب مسافرينْ ومزروعين ومزروعين بهالبعيدْ
ومطرح ما يمشوا يطلّ عيدْ
يضَوُّوا بيوت الناس
ويعمّروا بكلّ صحو جديدْ
سْطَيحات متل بيوتَك القرميدْ
ويخبّروا عن عَيشك الحلو الهَني
وأرزك يفيِّي على حراش الدِّنِي

- fairouz فيروز lyrics

Random Song Lyrics :

Popular