a b c d e f g h i j k l m n o p q r s t u v w x y z 0 1 2 3 4 5 6 7 8 9 #

optime pastor - heinrich isaac lyrics

optime divino date munere pastor ovili
tandem qui laceri medicus gregis ulcera sanes
sis foelix pecori et n0bis tuque ipse beatus
sit totum pacare gregem tibi cura perennis;
reddatur pax alma tuis pax aurea saeptis
et tua, qua polles, tam blando fistula cantu
foedere cornipetas concordi vinciat agnos
reginam volucrum regi tibi iunge ferarum
reddatur vobis ut abactis vestra chimaeris
postmodum concordes generosi pectoris iras
in turcas animate, lupos et monstra canopi
nulla gregi quadrupes, volucris ve inimica resistet
dum videant aquilamque ducem verumque leonem
haec pia caesarei cantores vota frequentant

vobis religio parque est reverentia recti
vis animi et pietas clementiaque insita vobis
par mundi imperium et gladius debetur utrique
vera ergo auspiciis vigeat sapientia vestris
floreat et sanctis cum moribus incl*ta virtus;
sit suus ingenuis honor artibus et sua merces
tum medico exsultent colles et pascua plaudant
pontifici et tanto laetatur caesare mundus
haec pia caesarei cantores vota frequentant
amen
[tenor i]
da pacem domine in diebus nostris:
quia non est alius qui pugnet pro n0bis
nisi tu deus noster

[tenor ii]
sacerdos et pontifex et virtutum artifex
bonus pastor in populo
sic placuisti domino

- heinrich isaac lyrics

Random Song Lyrics :

Popular