koolzoad - lianne abeln lyrics
men zegt: dit laand is swoar van eerns
van wolken, gries en glaai
ainboare ploatsen ien t laand
en dörpen ien de klaai
men zegt: dit laand is vlak en koal
en zingen dut t ja nait
t is t laand veur eerappel en knol
en mous en sukkerbait
[refrein]
mien laand, as k dien riekdom zai
din wait k wat k wait
wèl nooit dien koolzoad bluien zaag
dij kin dien waarmte nait
wèl nooit dien koolzoad bluien zaag
dij kin dien waarmte nait
as t koolzoad bluit, as t koolzoad bluit
aan binnenkant van diek
din geft dit slichte ommelaand
van hail zien bliedschop bliek
as t koolzoad bluit, as t koolzoad bluit
is t geel woar ik ook kiek
dij grote, waarme plakken geel
dat moakt mien laand zo riek!
[refrein]
mien laand, as k dien riekdom zai
din wait k wat k wait
wèl nooit dien koolzoad bluien zaag
dij kin dien waarmte nait
wèl nooit dien koolzoad bluien zaag
dij kin dien waarmte nait
aal legt ons laand aan t voutenènd
en is t der ’s winters koal
t het zien aigen kleuren
en t sprekt zien aigen toal
k kin de riekdom van dij toal
k wil zingen van mien laand
en k vuil de waarmte om mie tou
van hail dit wiede laand
mien grunnens laand, hier heur k thoes
veur die zing ik mien laid
wèl t koolzoad hier nooit bluien zaag
dij kin dien waarmte nait
wèl t koolzoad hier nooit bluien zaag
wait van dien laifde nait
[refrein]
mien laand, as k dien riekdom zai
din wait k wat k wait
wèl nooit dien koolzoad bluien zaag
dij kin dien waarmte nait
wèl nooit dien koolzoad bluien zaag
dij kin dien waarmte nait
Random Song Lyrics :
- aparências - slow caires lyrics
- valerie solanas (stop making stupid people famous) - los chikos del maíz lyrics
- briseur de coeur - maxfury lyrics
- sudowoodo - pinguini tattici nucleari lyrics
- i don't wanna go home - andreysalo lyrics
- balloons over balswick - robbie arroyo lyrics
- habibti - ard adz lyrics
- the flood - sick spitz lyrics
- fatal fornication - prostitute disfigurement lyrics
- practice - louverture lyrics