a b c d e f g h i j k l m n o p q r s t u v w x y z 0 1 2 3 4 5 6 7 8 9 #

mond - lo & leduc lyrics

[intro: leduc]
yeah
ooh
lo und leduc baby
hahaha, wider da, wider
wider da, wider
ooh, ja

[verse 1: lo]
u du wohnsch a däm ort
wo aui lüt nur chöme zum gah
u glych sy si jede tag wider da (wider da, wider)
di rollträppe isch en outobahn
kollonne vo koffre mit mönsche dran
u nume wüu du nid wägg geisch meine d lüt du sigsch ahcho
i gseh di bart scho
vo wytem am bahnhof
u di länge haar wo
um dis gsicht umefliesse wi wulche
i grüesse di churz
u du luegsch so (du luegsch so)
aus chönnti dir das nüt a ha
nur uf dire aute
stirn isch e faute
u die isch tief wines meer
aber fasch niemer hautet – vor dir
wüu me nid so viu hautet – vo dir
aber dini ouge
sy trabante u di sy müed vo däm wo si hei gseh
vo däm wo si hei gseh

[verse 2: lo]
u du wohnsch a däm ort
wo aui lüt nur chöme zum gah
u glych sy si jede tag wider da (wider da, wider)
dr wartsaal isch läär u wod dert hesch wöue sitze het me di grad verjagt
u du seisch immer du trinksch nid
du brüchsch di fläsche nume zum nes schiff gah toufe
jede weiss, es stimmt nid
aber we d lüt lächle ischs dir glych we si dir ds nid gloube
u dini mondouge
di strahle zrügg
u nur genau denn, genau denn gseht me dases di git, dases di git

[hook: leduc]
oh christopherus
schön bisch du no veruss
schön d-ss du aues überluegsch
oh wenn di aui überluege
oh christopherus
schön bisch du no veruss
schön bisch du da
u i ha s’gfüehl
wenn du nümm bisch de gheit die wält vonang, de gheit di wält vonang

[hook: leduc]
u dr mond hanget i de seili, seili
u me fragt ne nie nach sire meinig, meinig
me fragt nur immer d stärne
behandlet ne wine latärne
dr mond hangt i de seili
und i weiss dases mir oh so gieng (ohh yeah)
u dr mond hanget i de seili, seili
u me fragt ne nie nach sire meinig, meinig
me fragt nur immer d stärne
behandlet ne wine latärne
dr mond hangt i de seili
und i weiss dases mir oh so gieng (ooh)

- lo leduc lyrics

Random Song Lyrics :

Popular