dja bu cumi oxi - loreta kba lyrics
[letra de “dja bu cumi oxi”]
[intro]
tudo alguen ten ki cumpri si parti
tenta partilha e ser grato
maz ten alguen ki ta cumpra bu parti
e ta bendi barato
(ben li rapazinho)
flan si dja bu cumi oxi
nhos ka ta para pa pergunta
flan si dja*
txeca
[verso 1]
um portugues dja kre discuti ku mi na c’o verde
eh kre falan di escravatura di um forma diferenti
flan kual des ki ten maz fome, bu corpo eh bu menti
ko fazi nha kabesa quenta, n’ta kema bu frente
sima um padaria portuguesa, rapaz kre pon quente
nu passa ben, nu passa mal, na passado recenti
kel rotxa la na mei di mar poh nha povo diferenti
quatro homi dentu bote, ta busca um correnti
ki ta lebaz pa algum cardumo di baixo sol quente
nha povo ten um monti cara, nha som eh vicenti
padroero di lisboa pa kenha ke crente
ez ata pidi pa n’ka para, nha som eh viciante
água ta escorri na nha rosto, sabor eh salgado
tem mesmo gosto ki agu mar, noz mar eh txorado
ami n’ten alma di um poeta, nha txoro eh cantado
ta pon ta xinti moh pantera, regresso di orlando
primero bez ki n’bah c’o verde n’fica apaixonado
parado t’odja por di sol cor di rosa, dourado
n’ta xinti sima ki nhor deus sta xintado nha lado
olhar fixado na horizonte, ta pinta si quadro
ez scodji um cor ki ka ten nomi, ti oji ka dado
sima um criança ki parido maz ka registado
ka ten futuro colorido pa noz [?]
e undez kes scodjas, ser bandido ou ser abandonado
[refrão]
tudo alguen ten ki cumpri si parti
tenta partilha e ser grato
maz ten alguen ki ta cumpra bu parti
e ta bendi barato
(ben li rapazinho)
flan si dja bu cumi oxi
nhos ka ta para pa pergunta
flan si dja bu cumi oxi
[verso 2]
natureza e equilibrio num mundo bizarro
eh ta conteci tudo dia na mesmo, el eh raro
sima arco da bedja, sima um noti estrelado
praia maria, tarrafal, nhos leban santo amaro
leban pa fogo santo anton*, preto ku odjo claro
tudo raça di universo na noz misturado
eh ko na terra, na mei dele ou num jato privado
só di imagina mah um dia foi pobre, coitado
mi n’kre odjan puto di noz guetto ten valor di mercado
quantidadi di talento na beco spadjado
cada squina ten um tupac, um picasso ou um ronaldo
n*gga com tambe tinha um sonho ki tempo assassina
eh fla ma eh ta studaba pa tra medicina
bom studanti, nota alta em qualquer disciplina
ku gana studa undi dinhero pa paga propina
eh larga escola, squeci sonho e conxi cocaina
gossi eh apenas maz um n*gga sem alma na squina
da kassubody na um beco ku txero di urina
preso na um ciclo ki ka ta termina
si menti bira um planta ki ka ta germina
kel ki ka aprendi na escola, kadia ta inxina
si mãe sta li na tuga, ta fazi faxina
si pai inda sta bibo maz fora di cena
dal documento di registo mah nunca ka assina
[refrão]
tudo alguen ten ki cumpri si parti
tenta partilha e ser grato
maz ten alguen ki ta cumpra bu parti
e ta bendi barato
(ben li rapazinho)
flan si dja bu cumi oxi
nhos ka ta para pa pergunta
flan si dja bu cumi oxi
[verso 3]
maz eh ka só na cabo verde, eh na tudo kau
nu ka podi foca apenas na um lado mau
globalizason di bakandeza, um kusa berdadero
um sonho americano, um sonho brasileiro
existi maz di ki um caminho pa arranja dinheiro
mah nu ta pensa só na droga ku crime em primeiro
ka bali pena kati kati pa bah cativeiro
funeral sem bu familia, só bo ku coveiro
xam flau um kusa doloroso maz txeu verdadeiro
na verdade ez enterrau só pa ka spadja txero
ta sabedo bo eh kenha na dia bu enterro
si bu partida eh um alivio, pa noz desespero
arguen ki ka ta contribuia maz fazi esquecedo
scodji moh ku kre lembrado ku gradi, cuidado
nunca n’ka odja statua di um homi cobardo
si bu kre vivi sima um burro, carrega bu fardo
ko fazi merda po ben fla mah oto arguen ki eh culpado
poh inteligente ho’ki ‘u ta fala, bu eh um genio calado
si bu kre fama, prioridade sta tudo trocado
n’curti putos ki ta rappa ku rostu tapado
talvez ez ta bu lado na supermercado
n’ta daba tudo keh pa n’podi pa ser sossegado
ku nha bolso cheio di nota maz sem ser notado
biggie
[refrão]
tudo alguen ten ki cumpri si parti
tenta partilha e ser grato
maz ten alguen ki ta cumpra bu parti
e ta bendi barato
(ben li rapazinho)
flan si dja bu cumi oxi
nhos ka ta para pa pergunta
flan si dja bu cumi oxi
Random Song Lyrics :
- gangster claims - dtrille lyrics
- split. - saint iver lyrics
- shamboriri - curawaka lyrics
- lock the taskbar - jeff tvnet lyrics
- stazione nord - fabio concato lyrics
- evo zima će - lepa brena lyrics
- sdloprsmr - bernard rodriguez lyrics
- glitterboy gangsta - yoko chanel lyrics
- obsessed 2 solitary - rking lyrics
- if it's okay to cry - asian glow lyrics