la gondoletta - ludwig van beethoven lyrics
la biondina in gondoleta
l’altra sera gò menà:
dal piacer la povereta
la s’à in bota indormenzà
la dormiva su sto brazzo
mi ogni tanto la svegiava
ma la barca che ninava
la tornava a indormenzar
fra le nuvole la luna
gera in cielo mezza sconta
gera in calma la laguna
gera el vento bonazzà
una solo bavesèla
sventolava i so caveli
e faceva che dai veli
sconto el sen no fusse più
contemplando fisso fisso
le fatezze del mio ben
quel viseto cussì slisso;
quela boca e quel bel sen
me sentiva drento in peto
una smania, un missiamento;
una spezie de contento
che no so come spiegar
so’ stà un pezzo rispetando
quel bel sono, e ò soportà
benche amor de quando in quando
el m’avesse assae tentà;
e ò provà a butarme zozo
là con ela a pian pianin;
ma col fogo da vicin
chi averia da ripossar?
m’ò stufà po’ finalmente
de sto tanto so dormir
e gh’ò fato da insolente
nè m’ò avudo da pentir;
perchè, oh dio, che bele cosse
che gh’ò dito, e che gh’ò fato!
no, mai più tanto beato
ai me’ zorni no son sta
Random Song Lyrics :
- coke - cozy caleb lyrics
- lepiej - łzy (pol) lyrics
- sore - forty percent lyrics
- rohi feek - روحي فيك - moustafa amar - مصطفى قمر lyrics
- missing out - keithian lyrics
- moj čovek nije dobar - bebi dol lyrics
- ud med det blå - emil kruse lyrics
- göttin - stahlmann lyrics
- skyward dreams - nightcrow lyrics
- spaghetti - t. nautilus lyrics