a b c d e f g h i j k l m n o p q r s t u v w x y z 0 1 2 3 4 5 6 7 8 9 #

horob edterary - هروب إضطراري - mtm (egy) - إم تي إم lyrics

[اللازمة: تاكي]
ما كانش دا قراري، ما كانش بإختياري
ما كانش في قدامي غير هروب إضطراري
قالولي مش هتقدر، قالولي مش هينفع
قالولي ما تحاولش، ما تكملش، لف وإرجع
stop بس

[المقطع الأول: تاكي]
دي مش قصة حب
دي حكاية واحد كان عايش عادي وفجأة هوب
هوب حصله دروب، إتضرب كرسي في الكلوب
إتفتش وإتكلبش وإتدبس وحياته حصلها فوتوشوب
غريبة عجيبة يوم معدولة ويوم مقلوبة
واللي يعرف يسلك فيها بيبقى فلت بأعجوبة
الدنيا يوم تنصفك، يوم تخونك
فلو كل حاجة وقفت ضدك، مين يلومك؟
لما تاخد حقك وتدافع عن مبادئك
وتدور على اللي ظالمك وتحاسبه إنت بطريقتك
بس إستنى الأول لازم تحسبها مع نفسك
هو في حد ظالمك ولا إنت اللي ظالم نفسك؟

[جسر]
طير روح، إنفد بجلدك
طير دوس، لو ظلم حاوطك
طول ما الحق واقف في ضهرك
فوت في النار ما حدش يهزك
طير روح، إنفد بجلدك
طير دوس، لو ظلم حاوطك
طول ما الحق واقف في ضهرك
فوت في النار ما حدش يهزك
[فاصل]
طير يا حمام
طير يا حمام

[المقطع الثالث: مايكي]
ساعات بتهرب من الواقع والماضي اللي فاتك
لكن عمرك هربت علشان تنقذ حياتك
الموت على بابك ودولابك مليان أسرار كتير
تفضل في مكانك ولا تاخد القرار وتطير
عايزين يلفقولي تهمة فبقيت هربان
لو كان طريق الصح غلط، يبقى أنا غلطان
ما أنا كنت واحد عايش كدا عادي ومش في دماغه
بقيت أنا چيمس بوند والجيزة بقت شيكاغو
كان نفسي أوصل لحلمي وتبقى حياتى من بطولتي
كان نفسي أبقى نجم زي السقا وزي السبكي
كان نفسي أبقى حاجات كتير غير إن أبقى هنا
وهعمل أي حاجة بس ما أكونش كبش فدا

[فاصل]
طير يا حمام
طير يا حمام

[اللازمة: تاكي]
ما كانش دا قراري، ما كانش بإختياري
ما كانش في قدامي غير هروب إضطراري
قالولي مش هتقدر، قالولي مش هينفع
قالولي ما تحاولش، ما تكملش، لف وإرجع
ما كانش في قدامي غير هروب إضطراري
ما كانش في قدامي غير هروب إضطراري
—ما كانش في قدامي
غير هروب إضطراري، إضطراري

- mtm egy إم تي إم lyrics

Random Song Lyrics :

Popular