a b c d e f g h i j k l m n o p q r s t u v w x y z 0 1 2 3 4 5 6 7 8 9 #

hittusk æsir (völuspá, 7-10) - nytt land lyrics

Loading...

hittusk æsir
á iðavelli
þeir er hörg ok hof
hátimbruðu;
afla lögðu
auð smíðuðu
tangir skópu
ok tól gerðu

tefldu í túni
teitir váru
var þeim vettergis
vant ór gulli
uns þrjár kvámu
þursa meyjar
ámáttkar mjök
ór jötunheimum

þá gengu regin öll
á rökstóla
ginnheilög goð
ok um þat gættusk
hverir skyldi dverga
dróttir skepja
ór brimis blóði
ok ór bláins leggjum
þar var móðsognir
mæztr of orðinn
dverga allra
en durinn annarr;
þeir mannlíkun
mörg of gerðu
dvergar í jörðu
sem durinn sagði

- nytt land lyrics

Random Song Lyrics :

Popular

Loading...