reame - petru guelfucci lyrics
m’arricordu l’armunia
di quell’ alba purpurina
è a stella matutina
ch’inde u celu sbiadia
m’arricordu l’aria pura
è l’ansciu di a natura
quandu u ghjornu nascia
m’arricordu a carezza
di l’ambata prufumata
è u velu tinnarezza
di a sciuma immaculata
sempre a mio nave mi pare
azzicata da u mare
chì m’annanna incù dulcezza
eiu ch’aghju sulcatu
l’onde di tanti mari
per l’orizonti chjari
ch’avia sunniatu…
eiu ch’aghju sfrisgiatu
l’onde di l’oceani
per i vostri dumani
ch’avia sunniatu…
m’arricordu u cristallu
di issu reame turchinu
è ogni fondu marinu
intricciatu di curallu
è tante sirene bionde
principesse in le so onde
chì m’invitonu à u ballu
m’arricordu a magia
di quella attrachjata bruna
quandu u sole ridia
ghjuchendusi cù a luna
era l’ora più serena
fascendu d’oru a rena
l’ultimu ragiu muria
eiu ch’aghju sulcatu
l’onde di tanti mari
per l’orizonti chjari
ch’avia sunniatu…
eiu ch’aghju sfrisgiatu
l’onde di l’oceani
per i vostri dumani
ch’avia sunniatu…
Random Song Lyrics :
- с*ка (b*tch) - snoi lyrics
- fire from the sun - born this way lyrics
- танкист (misha diss) - денiска (russ) lyrics
- отменяй (cancel) - panov lyrics
- stuntin' - baby boy lyrics
- notime - ombrv lyrics
- à travers l'univers - capitaine révolte lyrics
- blood сезон (blood season) - noir diablo lyrics
- rasta reggae music - lutan fyah lyrics
- done it all - mistah f.a.b. lyrics