la biondina in gondoleta - reynaldo hahn lyrics
la biondina in gondoleta
l’altra sera gò menà:
dal piacer la povereta
la s’à in bota indormenzà
la dormiva su sto brazzo
mi ogni tanto la svegiava
ma la barca che ninava
la tornava a indormenzar
fra le nuvole la luna
gera in cielo mezza sconta
gera in calma la laguna
gera el vento bonazzà
una solo bavesèla
sventolava i so caveli
e faceva che dai veli
sconto el sen no fusse più
contemplando fisso fisso
le fatezze del mio ben
quel viseto cussì slisso;
quela boca e quel bel sen
me sentiva drento in peto
una smania, un missiamento;
una spezie de contento
che no so come spiegar
m’ò stufà po’ finalmente
de sto tanto so dormir
e gh’ò fato da insolente
nè m’ò avudo da pentir;
perchè, oh dio, che bele cosse
che gh’ò dito, e che gh’ò fato!
no, mai più tanto beato
ai me’ zorni no son sta
Random Song Lyrics :
- no snitchin (gioielli version) - rollzrois lyrics
- salamat ala nas amloly ekhwat - amin khattab lyrics
- sure 4u - killertunes lyrics
- ponto de paz - fp mac lyrics
- don't overthink it - aurora vibes lyrics
- fake smile - w33n, rrotzer & lando lyrics
- patience - lorage lyrics
- nueve de julio (t.v.e.m.c.f) - menesesynths lyrics
- the captions - celebrity warship culture lyrics
- go to the moon - lil muillet the real one lyrics