a b c d e f g h i j k l m n o p q r s t u v w x y z 0 1 2 3 4 5 6 7 8 9 #

دقة الباب - sallam lyrics

من انا وولد صغير كنت حب البرد
حتى وقت كبرت ما عاد حسيّت كتير فرق
متل ما انا كنت صارو يقلولي وصلت
وكنت اكل اتلة عشان احفظ جدول الضرب
بالبسكليت كون مأسرع وباكل مية مسبّة
وع باب مدرستي محطوط صور شهداء النكبة
‎ ك ولد ١٤ سنة المخيم كنت شايفو زينة
‎ف متعود كيف نلعب مونوبلي عا الحصيرة
‎هلق بشوفني ابوي ! بقلي اخرتك بشي ملهى
‎بس شايفني ذكي ومفكرني رح اتلهى
‎طقطقة غاز كل يوم ؟ بياع الحليب ابو سمير
‎ف كنت بحب بيع صَبَّار مع اني مش فقير
الوقت بالمخيم ما بيمشي بسرعة
‎وقت الكل يكون حوليك ما بتحتاج تشوف الساعة
الحارة متل امنا ولا مرة كانت ناشفة
ماكلة كتير ولاد ولا مرة قالت دايمة
لا ما كبرت ولا ما خسرتو
وما حنّيت للبيت إلا وقت تركتو
كنت محتاج اكتب بحب اتزكر
ف صرت وقت اهرب فصار لازم اتنكر
يمكن مشتاق العب دحّل
بدل مع ولاد حارتي روس
بس هلق بس في روس
وهنة صارو جنود
ونعيش بجدل . كنّا خالقين فلسطين
ونقول دايماً عاشت ! ايام ما انوجدت
بتحس وجودهن مريح متل الفرشة
ف احياناً الشتات بياخد شقفة
ف الكل عنا يتسما حامل قضية !
ويحكولي بتصير زلمة لازم تخدم عسكرية
متعود ! بعيد بس قريب
ويشتري كرت باص ! وقت روح عالطريق
صرت اعرف كتير عاللجوء ! صرت متجول
وبقلولي نازير ! ف حتى اسمي متشوه
صرت منيح امشي ما اتطلع وراي
وعنجد هون ! ما حدا لاحقني بعصاي
ف انا بخلق مربع وانا بمحي
ف اخلق مخيم برأسي وبقدر سميه
ف تأملت كتير ! وقول الوقت بكير
وبحب وقت اكتب ازكر براسي تفاصيل
البساطة حلوة وقت تكون ما نسيت
وقت اعمل خطئ يحكولي هادا الجيل
يمكن لو انت بالمخيم كان أنعرف صوتك
ولو ماشي هلق ! ح يقلولك ارفع بنطلونك
شي بمثلك ، كلنا كنّا متواسيين
وستي تبهدلني . وقت قلّا كنّا عايشين
بتحس ها الشي طالع من خسارتي
وبقدر من ريحة الطبخ إني ميّز حارتي
يعتبر راسي هو الوحيد يلي مات
وامي الوحيدة يلي بتميزني مِن دقة الباب

- sallam lyrics

Random Song Lyrics :

Popular