a b c d e f g h i j k l m n o p q r s t u v w x y z 0 1 2 3 4 5 6 7 8 9 #

freedom come all ye - sam shackleton lyrics

Loading...

[verse 1]
roch the wind in the clear day’s dawin
blaws the cloods heelster*gowdie ow’r the bay
but there’s mair nor a roch wind blawin
through the great glen o’ the warld the day
it’s a thocht that will gar oor rottans
– a’ they rogues that gang gallus, fresh and gay –
an tak the road, and seek ither loanins
for their ill ploys, tae sport and play

[verse 2]
nae mair will the bonnie callants
mairch tae war when oor braggarts crousely craw
nor wee weans frae pit*heid and clachan
mourn the ships sailin’ doon the broomielaw
broken faimlies in lands we’ve herriet
will curse scotland the brave nae mair, nae mair;
black and white, ane til ither mairriet
mak the vile barracks o’ their maisters bare

[verse 3]
so come all ye at hame wi’ freedom
never heed whit the hoodies croak for doom
in your hoose a’ the bairns o’ adam
can find breid, barley*bree and painted room
when maclean meets wi’s freens in springburn
a’ the roses and geans will turn tae bloom
and a black boy frae yont nyanga
he dings the fell gallows o’ the burghers doon

- sam shackleton lyrics

Random Song Lyrics :

Popular

Loading...