a b c d e f g h i j k l m n o p q r s t u v w x y z 0 1 2 3 4 5 6 7 8 9 #

8 to 8 - tamtam lyrics

Loading...

[verse 1]
فقت الساعة ٨
مشاعري ببطني
و عيوني عم تسكب دموع
اتذكرت اني حلمت فيك
حلمت اني كنت بهديك
الغرفة الي كنا نقعد فيها سوا

الساعة ١٠
عملت قهوة تركي
كنت لسه على بالي
عم بحكي مع حالي
شكلي جنّيت أو يمكن
يمكن حنيت عليك

[chorus]
كنت جنبي
استغربت والذكريات رجعتلي
كنت جنبي
استغربت والذكريات

[verse 2]
صارت الساعة ١٢
اختي اتصلت فيني
خطبتها حتصير بعد أسبوعين
تطلعت عالساعة صارت اثنين
كيف ما فكرت فيك ساعتين؟
و هيك رجعت لمخي
عم فكر فيك
يا ريت ما كنت بعيد
و الوقت كان بسيط
الله أعلم شو كان صار
بدي شوف لو عندك أخبار

[chorus]
كنت جنبي
استغربت والذكريات رجعتلي
كنت جنبي
استغربت والذكريات

[bridge]
غربت الشمس
عم بتطلع عالتلفون
اذا دقّيت، الله يكون بالعون

رنيت رنّة و سكرت
انا غبية و ما فكرت
مع إني عم فكر كثير

فتحت كتاب نزار قباني
مشان اتحرك من مكاني
الساعات صارت ثواني
[verse 3]
صارت الساعة ٨
بس كأنّه ١٢ بالليل
شفت شكلي أنا تعبانة
بدي أنسى إني ندمانة

دخلت على غرفتي
تسطّحت على تختي
اسمعت رنّة جاية من الصالون

رحت لشوف التلفون
بس الصوت غاب
طلعت الرنّة جرس الباب

[chorus]
كنت جنبي
استغربت والذكريات رجعتلي
كنت جنبي
استغربت والذكريات رجعتلي
كنت جنبي
استغربت والذكريات رجعتلي
كنت جنبي
استغربت والذكريات

- tamtam lyrics

Random Song Lyrics :

Popular

Loading...