a b c d e f g h i j k l m n o p q r s t u v w x y z 0 1 2 3 4 5 6 7 8 9 #

3a9liya - youppi lyrics

[المقطع]
عرف شكون تصاحب، شكون تدخل لدارك
ولمن تحكي سرك ولمن تعطي أفكارك
فالعشرة تسعة يحسدوك، الباقي شاتي دمارك
ما تخلي حتى واحد يلعب بيك وصاحبي اخلف ثارك
نهار تفيقلك تعفسك passé ماتحبش وحدة عندها
لي ما حافظتش على روحها ما تحافظش على ڨلبك
سيي ما تكونش نية، ماشي دموعها تغلبك
نهار تشوفها تدير دراما كي تحطبها تعبدك
برا ما تهدر بزاف، الناس تحكمك من لسانك
وما تخسرش مع الوالدين، كيما تربح تخرج سالك
خطيك من الزطلة والكاشي le maximum وسيي
وإذا عمّرت عمّر وحدك وما تعرض الغاشي
ولا يڨولولو الساعي facteur كل حومة فيها
قد ما نخافو البياعين bri حنا ما نخافوش الـ
قادر الناس اذا راك حاب يقادروك
الناس عليك ما يحاذروش maximum حاذر روحك
سيي ما تضحكش بزاف، يشوفوك هكاك يسوڨلوك
الدنيا هذي هكا جاية تطابس يديروك دروج
الزنقة تع لي يڨدرلها، كون سبع نهار تخرج
واللي يقيسلك الحمى صادف جد مو يبرد
فهاد الحياة صاحبي يليق من الصغر تطراسي هدف
يليق تعرف شكون معاك وشكون لي مع الأسف
إذا دناولك للحرمة ترطڨ أوبنهايمر
يمرض الزهايمر s*xy ومع لي لاعبها
سيي لوح يدك فالخبزة، ما تلڨط الفتات
ما عندكش الحق تشكي إذا عندك وين تبات
سيي ما تخالط بزاف إذا التشماخ قاسك
حبيت ينقصو المشاكل، ساهلة، نقص من ناسك
صاحبي كلش يتشرا والمحبة ما تشريها
إذا راك حاب تكون غني اقنع برك تفريها
صاحبي يليق تعرف الكود، قادر الكبير والصغير
سيي ما تنفخش روحك كي البالون تطيح عالتير
واعرف بلي الراجل يحمل كلش ويشفى عالخير
وكل واحد وضروفو مالا اعرف كيفاش تسير
خويا راس مالك العلم، سيي تقرا وتنتفع
ياخي العلم ماشي المافيا لي خدمت المدافع
وإذا كان ڨلبك مليح من عندي ترفد العفسة
مليح كي تسامح الناس مي ماشي مليح تنسى
ما تسمع الراي لي يضحكك لا الراي لي يبكيك
سيي تجبد عالبشر ودير لي يخرج عليك
صاحبي كلش راه مكتوب مالا وسع الخاطر
في عوض تخمم فالمستقبل ابدا تخدم فالحاضر
غير سيي بعد وذنيك عالكلام لي يصدع
وما تلومش لي يڨطع فيك إذا كان هو مڨطع
اعرف تخير ناسك ماشي وين تلڨى تتلاح
وكل صاحب مليح إذا حبيت صحاب ملاح
ازرع الرعب فاللي قاسك حتى يطلب السماح
مليح تكون تع سلام بصح يكون عندك سلاح
ما تامنش المظاهر وخيّر الحديث
وين تروح امشي بالنية وخبّي في جيبك خبيث
ارفد الألف واللام، ما تكونش نكرة
امشي على حساب الدنيا وما تنسى حساب الآخرة
صاحبي دير لروحك قيمة، إذا خسرت يساوموك
لا حبيت تغلبهم ڨاع رجعهم يحتارموك
كونك فالوسط، ما تخليهم يدسروك
تكون طري يعصروك، تكون يابس يكسروك
ما تبكيش على لي راحو، يعياو ڨاع يتفكروك
راك رابحهم على بيها خسروك c’est normal
كونك راجل، نهار توڨف ڨاع يفهمو العفسة
وباش تحافظ عالهيبة اجبد من ڨعدات النسا
كي يڨولولك انت معقد افريها بالغمزة
أنا صاحبي حمزة meilleur ami ما عنديش
الخلطة éviter ما تربطش هذا بهذا
ماشي العيب كي تغلط، العيب كي تكمل فالغلطة

- youppi lyrics

Random Song Lyrics :

Popular