a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lirik lagu mastora | مستورة – ahmed mazhar – أحمد مظهر

[المقدمة]
مستورة والزتونة في الحكاية

[المقطع الأول]
‎تحت خط الستر ناس بتقول يا رب
‎أحلام بسيطة في قلب أم وأي أب
‎تحت خط الستر ناس أبطال بجد
‎عايشين ظروف متلغبطة وما بنشتكيش أبدًا لحد
‎وسط الحواري الضيقة تلقى الأصول والجدعنة
‎في بيوت بسيطة محندقة لكن كبيرة بأهلها
‎ناس حلوة سهلة مسلمة ورغم الظروف أهل الكرم
‎شبعانة غلب وجدعنة وأصغر ما فيهم محترم
‎وتشوفها دايمًا من بعيد مرتاحة مش حاسة بحرج
‎علشان بترضى بالقليل والصبر مفتاح الفرج
‎محسودة من أهل الفلوس على النفوس الطيبة
‎بتدوس في الخير وبتدي دروس ودموعها غالية قريبة
‎ناس بتصحى الفجر تنزل على الشقى
‎علشان تعافر في الحياة ما تعيش في ظروف ضيقة
‎كل المشاكل عندها وما عندهاش أبدًا مشاكل
‎متلعبكة متكركبة وضحكتها دايمًا بجلاجل

[قبل اللازمة]
مستورة أوي ودي الحياة مستورة
لو حتى تبان مقفولة
وساعات بتضيق وبتفرج
والحكمة تبان في الصورة
[اللازمة]
مستورة واللي في جيبي مش معايا
مستورة مهما ضاقت الفلوس
مستورة والزتونة في الحكاية
الصبر والرضا غنى النفوس

[المقطع الثاني]
‎بتشيل في جبال هم ما يتلم وتمشي أمورها ويمشي الحال
‎وتربي عيالها بحرق الدم وتنام مرتاحة ورايقة البال
‎تلقاها في وقت الشدة معاك، سابقاك وتمد الإيد في الإيد
‎وهتقسم نص رغيفها معاك وتجيلك لو حتى إنت بعيد
شقيانة من كتر الشقى معلم عليها
لكن وشوشها منورة ربك كريم أنعم عليها
الرزق مش بحاجات كتير ممكن يكون مال أو عيال
ممكن يكون قلبك كبير ممكن يجيلك راحة بال

[جسر]
ممكن تكون مريض وأعصابك حديد
ممكن تكون فقير بتحبك ناس كتير
ممكن تكون قاعد إيجار وفي أهل بيتك العمار
عزوة حبايب ناس كتار، عيل يكون أمير
الستر مش مادة وفلوس
الستر ياما حاجات كتير

[اللازمة]
مستورة واللي في جيبي مش معايا
مستورة مهما ضاقت الفلوس
مستورة والزتونة في الحكاية
الصبر والرضا غنى النفوس
مستورة واللي في جيبي مش معايا
مستورة مهما ضاقت الفلوس
مستورة والزتونة في الحكاية
الصبر والرضا غنى النفوس
مستورة واللي في جيبي مش معايا
مستورة مهما ضاقت الفلوس
مستورة والزتونة في الحكاية

- ahmed mazhar أحمد مظهر

lirik lagu lainnya :

YANG LAGI NGE-TRENDS...