lirik lagu el nebras | النبراس – ali al shaer
[المقطع الأول]
كل المعانى .. مهما بتتوصف اغانى
ورده دبلت حبى فيكى خلانى اسقيكى بالحانى
معادله اعظم من أصعب تركيب كميائى
دائى ودوائى فيا بنسبة تكفى الباقى
لكن .. متكفينيش دائى فيكى متخافيش
بعدك هعيش زيك اقرب حد ليا ورقتى
اكيد انتبهتى فـ وقتى لما لقيتى صراحتى
وصلت لـ عند زاد عن حد طاقتك يعنى طاقتى
فمتزعليش .. لو قالوا عنى
عايش حياته طول وعرض و الحانه بتتمرد
منا كنت مجرد ماسك جمر فإيدى متبرد
فجأه اتعرض لاكبر درجات الغيره اللى بتتصنف
من خطايا محكمه الحب اللى بتلعن كل موقف
عدى بينى ايديكى وقولت فالاغانى لايمكن اوصف
بس انتى وصفك .. كان راس بـ راس
كنتى قبل منى تايهه و كنت ليكى أنا النبراس
اللى بتقتدى بافعاله وبإديكى حاله
اللى كانت عينيكى بتلمع لما بس تشوف خياله
مش هفضل اطعن خنجر ذكريات متسمم
جوه جسمى وهوه منمل فالأخر أضحك و أكمل
مش عايز حاجه منك بصى فعينى و واجهى نفسك
ازاى بقيت كده خانقك و بنافسك من وجهة نظرك
انا مش عدوك .. انا اللى زرعت فيكى
!! كل رد فعقلك واعى فـ اتحول اسلوب افاعى معايا
!ازاى بقيتى بتعكسيلى كل أيه ؟
انا مش بعاتبك !! انا بس بقوى
مش فاكرلك اى حاجه غير حنيه بطعم القسوه
حتى لو فاكرلك ذكرى حلوه خلاص ردك مسحها
!فكرانى لسه هفضل بعدك عايش حلمى واحده ؟
هخلى كل واحده تتمنى انها تبقى جزء من حياتى
مش هكتبك من الليلادى
وابنى قصور جواها فاضى واعشم نفسى انك قصادى
وافضل اهاتى و اكتم اهاتى
يا ابيض يا اسود مفيش رمادى
!! مش هقنع نفسى انى راضى و امثل طول حياتى ليه
فالاخر ابقى ذكرى ومتمسك بالماضى
[المقطع الثاني]
بصى بقى لانتى حوا ولا اخر واحده فـ نسلها
رسمه جميله و لونتها و من جمالها بوظتها
!بطلتك ، بطلت اتنفس لو هوايا نفسك
راجعه بنفسك ؟ .. لا فعلا جيتى على كرامتك
ملوش لزوم مش قولتى ان انا سبب مشاكلك
مبقتش عارفك حتى اتغير شكلك
ماسك صورنا شايف ابتسامتك صافيه باينه
عكس اخر مره شوفتك كانت ساكنها سحابه غامقه
مشوفتيهاش .. بس انا حسيت مطرها
دوب كل حمل فوق كتافى و دوب كل فرحه شافها
ازاى كان تمثيلك مقنع لدرجة انى بسمع
فحضنك كل وعد بنفس علو صوت المدفع
فالاخر ارجع !! قوليلى ازاى ؟
مثليلى دور جديد عشان تعمينى عن اللى جاى
الحانى ملت و كلامى فاض مليت الوجع بعد المراد
وصلت للى عايزه وفالاخر زهقت منها .. لأ
مزهقتش منها زهقت من العند اللى راكبها
انا مش حببها .. انا كنت ابوها
انا اللى ظهرت ضحكه البراءه و الطفوله
انا اللى لما كانت بتزعل كنت بغزو بلاد
بفكرى واللسان يتحول جيش من الحملات
اللى بتمحى حصون الحزن وتتوج اميرتى ملكه
على عرش ممالك هلكت من تعدد الفتوحات
اللى كانت من اقصى غربك لأقصى شرقك
كانت لهدف الفرحه اللى بشوفها فملاحك
ازاى عقلك هيئلك ثانيه إن انا اللى قاتلك
انا عكس كل اللى بيتملق فالوش و يضحلك
دا انا اللى شايلك .. من و انتى لسه
ملغى من قاموسك حب و كل كلامك نون النسوه
دلوقتى بقسى ازاى وانا اللى كنت تملى بسقى اى ورده
وفبعدك بصلى وادعى تكونى ليا ، ولو مش خير يجعلك خير
وطاعه وابقى راحتك قبل راحتى وراحة الغير
شايفها فينا .. مـ احنا بقينا كتاب مفتوح
مقرى من كل العيون لكن بالسر مش بيبوح
إلا .. لما اسمح انا بعد ما اغير إلا أنا
احط منهج حب افلاطونى جديد بس انا
مش افلاطون انا المدينه الكامله بيكى
كنت شايف ده بعينيكى واكتشفت ان اللى اشترى
بيبقى تقيل على قلبك طبعا
كل مره بيضعف قدامك حبك بيقل قطعا
مانتى مهما كنتى لسه جزء من نساء الكون
العقل ناقص فـ مهما عملت اكيد مجنون
فعنين كل اللى يعيش كتاباتى ويتملى فتفاصيلها
لكن فعنين الشاعر قصه ممله وبان أخرها
دلوقتى بس .. وصلت لدرجه فالتحكم
فالنفس وبقدر أبعد وكمان بتذكر وبهدد نفسى
بكل بعد خوفت يبقى سبب احلام اتهدت
دلوقتى بس .. انا أعظم الحكماء عشان
كل عظيم وراه إمرأه لكن مش كل امرأه دخان
دلوقتى بس .. وصلت لدرجه فالتحكم فالنفس
وبقدر أبعد وكمان بتذكر وبهدد نفسى
بكل بعد خوفت يبقى سبب احلام اتهدت
دلوقتى بس .. انا أعظم الحكماء عشان
كل عظيم وراه إمرأه لكن مش كل امرأه دخان
lirik lagu lainnya :
- kumpulan lirik lagu ke y mu › lirik lagu stay – ke y mu
- kumpulan lirik lagu londondanir rus › lirik lagu выбор (10) – (london&danir) (rus)
- kumpulan lirik lagu mr master › lirik lagu focus – mr. master
- kumpulan lirik lagu adventuria › lirik lagu corridors of time (past+future) – adventuria
- kumpulan lirik lagu kazimir uh2o › lirik lagu spittin’ fax (switches & dracs remix) – kazimir uh2o
- kumpulan lirik lagu farol 116 › lirik lagu años sin verte – farol 116
- kumpulan lirik lagu kayzo › lirik lagu make u miss me – kayzo
- kumpulan lirik lagu marsi › lirik lagu не курят! (no smoke!) – marsi
- kumpulan lirik lagu the diarrhetards › lirik lagu phalange occupation at the local sporting facility – the diarrhetards
- kumpulan lirik lagu zydnax › lirik lagu flores no lixão – zydnax