lirik lagu jóln – burzum
ek man jötna
ár of borna
þá er forðum mik
fædda höfðu;
níu man ek heima
níu íviðjur
mjötvið mæran
fyr mold neðan
ár var alda
þar er ekki var
var-a sandr né sær
né svalar unnir;
jörð fannsk æva
né upphiminn
gap var ginnunga
en gras hvergi
áðr burs synir
bjöðum of yppðu
þeir er miðgarð
mæran skópu;
sól skein sunnan
á salar steina
þá var grund gróin
grænum lauki
sól varp sunnan
sinni mána
hendi inni hægri
um himinjöður;
sól þat né vissi
hvar hon sali átti
máni þat né vissi
hvat hann megins átti
stjörnur þat né vissu
hvar þær staði áttu
þá gengu regin öll
á rökstóla
ginnheilög goð
ok um þat gættusk;
nótt ok niðjum
nöfn of gáfu
morgin hétu
ok miðjan dag
undorn ok aftan
árum at telja
hittusk æsir
á iðavelli
þeir er hörg ok hof
hátimbruðu;
afla lögðu
auð smíðuðu
tangir skópu
ok tól gørðu
ár var alda
þar er ekki var
var-a sandr né sær
né svalar unnir;
jörð fannsk æva
né upphiminn
gap var ginnunga
en gras hvergi
áðr burs synir
bjöðum of yppðu
þeir er miðgarð
mæran skópu;
sól skein sunnan
á salar steina
þá var grund gróin
grænum lauki
sól varp sunnan
sinni mána
hendi inni hægri
um himinjöður;
sól þat né vissi
hvar hon sali átti
máni þat né vissi
hvat hann megins átti
stjörnur þat né vissu
hvar þær staði áttu
lirik lagu lainnya :
- kumpulan lirik lagu dola › lirik lagu non si esce vivi – dola
- kumpulan lirik lagu claudio botelho › lirik lagu velhas emoções – claudio botelho
- kumpulan lirik lagu ryan parker › lirik lagu appalachian lives matter – ryan parker
- kumpulan lirik lagu genevieve artadi › lirik lagu feelz tru – genevieve artadi
- kumpulan lirik lagu fantasy deu › lirik lagu ein hotel am meer – fantasy (deu)
- kumpulan lirik lagu la zowi › lirik lagu sugar mami (part. albany) – la zowi
- kumpulan lirik lagu chef ricko › lirik lagu bad bu$ine$ [freestyle] – chef ricko
- kumpulan lirik lagu venus james › lirik lagu confiança – venus james
- kumpulan lirik lagu alex horne the horne section › lirik lagu crossed wires – alex horne & the horne section
- kumpulan lirik lagu the chicks dixie chicks › lirik lagu young man – the chicks (dixie chicks)