lirik lagu يمين – el taayer
مكان مجهول هويته ساكنه إختلال آمان … الإنسان مدول وجوده اسره إمتداد عنان
وعيت علي نظام مشاعي بين سكانه إنسجام … عدوهم الموحد هو وحش المكان
كان صراعنا مع الوحش له هدف موحد … هو بحث كل إنسان عن الإكتفاء المعدم
دا املنا المشترك اللي البشر عايشين عليه … طول ما احنا في دايرة واحدة ما يبان النشاز اودام عينيك
صراعنا مع الوحش اعتقدنا انه انتهي … لما بالإنتاج خدرناه لوقت نبحث فيه ع الإكتفاء
إندهاش . صدمة حلت بإختناق … بعد ما خدرنا الوحش لسه الواحد ماكتفاش
عواصف إمتعاض . كله بيدور ع الاسباب … مين اللي افسد الإنجاز مين اللي عطل الإكتفاء
وقفنا في نفس الدايرة نبادل بعض النظرات … كل نظرة خارجة شايلة وابل من الإتهامات
إستعدادات بدأت … تخيلاتنا إتسابقت … كل المؤشرات بترجح نشب حرب بينا
من هنا الدايرة انقسمت … فئة البشر إنتفضت … اتهمت باقي الدايرة بتعطيل إكتفائها المعدم
مبهم . مصيرنا وقت ظهور نشاز مابينا … لما إنتفضنا لإكتفائنا كإتلاف للاقوي
لما ربطوا الإكتفاء بمستوي الرفاهية … اللي بيزيد كل ما استوليت علي موارد المكان
فاصبحنا دايرتين بدل ماكنا دايرة … الاولي للبشر و التانية لكائنات موازنة
تغاضينا عن كيانها و استولينا علي وجودها … بحجة إختلافهم عنا في شكلنا و سلوكنا
بحجة إختلافهم ؟! ايه اتفاجئت ؟ ايوة طبعا ! … في الحقيقة استعبدناهم لأنهم اضعفنا
شوفتها في وقتها الحل الامثل للوصول للإكتفاء … كالآت لازم نكون مستنسخين فنوصل للرفاء
طب حد فاق ؟ محدش . مازال المغزي مهمش … كان نفسي اعرف اكتب باقي الاحداث بخط منمق
بعد ما محينا إختلافنا و اعتقدت الاذي-مات … إكتفائنا ماتحققش وعادت تاني الازمات
وقفنا نفس في نفس الدايرة نبادل بعض النظرات … وقفنا تاني نبحث ما بينا ع الإختلافات
من الملامح تارة بلون البشرة و القرابة مرارا … و الداير يحدد الإختلاف هو الاثقل عياراً
و السنارة بتغمز غالباً بقلة مختلفة … كل مرة يقصوا الاضعف بألف علة مصطنعة
كل مرة في نفس الجرة مابنتقدمش خطوة … بين شوقنا و سعارنا شعرة تاهت بينا في وسط مجرة
مع كل محاولة فاشلة تضيق الدايرة اكتر … فيزيد البحث عن إختلافنا حتي و لو في معتقداتنا
فيزيد الضغط ع المنظومة فتنشطر فتلاقي المشهد … فيه اكتر من دايرة و الصراع ملهش منفد
من بعد المشاعية فالهرمية هي نهاية القبلة … في شكل هرمي طبقي بتترتب كل دايرة
اولوية كل دايرة بتندرج حسب دهائها … و ترتيب كل طبقة بيندرج حسب مواردها
وبرغم التناقض الروابط بينهم امر حتمي … ان طارت حلقة بينهم هينهار الشكل الهرمي
فيه الطبقة اللي الموارد فيها اقل من عدد افرادها … نزاعتها بتبقي اسرع و إختلافها بيبقي اوضح
………………………………………………..
حدود الدايرة بتبقي مرنة زي الأستك … علي حسب حجم الضرورة و الروابط بتتشكل
لما تقرب من دايرة تلاقي دواير جوا منها … اما لو بعدت عنها هتشوف وحدة إنتمائها
نتيجة التنافر بين الاقدم و الاحدث … المراكز بتتغير . لكن جوا إطارها الهرمي
و في يوم ما تظهر فكرة عشان تحد من نشازنا … يصبح الإنتماء للفكرة دايرة بتقصي مخالفينها
يتعقد التناقض اكتر و الامل حيلولة (حي-لولا)… كل دايرة في نفسها إختزلت الكينونة
نازعة السيطرة الدافعة للنزاع بترسخ … في نفس المسيطر إن اللي حواليه مسخر
للوصول للإكتفاء للوصول للإكتفاء … ممكن نقتل القتيل و نتحالف مع ابوه
المصالح سحر اسود موجود في ايد الجفاء … من الغباء انك تتخيل لأبعاد اللعبة حدود
زاد الإنتاج و زاد تطور ادواته … التطور هو المعيار للي بيفرض جلاله
لكن الاهم من التطور هو إتجاهه … خصوصا لما يسلخ المكان لحساب رواده
فاحنا مش ثابتين في لعبة ممكن نغير اللعبة … الليلة حرب دامية ممكن بكرا حرب باردة
بنبقي ديل لحامل الريادة من غير دافع ايدلوجي … اطفال تجري ورا سياسي لو اتحدفله بنبوني
إستمراري في المكان سؤال مقدرتش ماطرحوش … و ماكتفتش بإجابة انه محمية من المجهول
و لو حلقت بتفكريك عشان يشمل ابعاد اعمق … صراعات دايرتك بتبقي قصاد شيوعك عارضة
و ليه اتسحل مع صراع خلايا مصيرها القبور … قادر ابعد عيني عن الميكروسكوب ؟!
لو قولنا مفيش إكتفـ… انت عبيط ؟ دا بيهلوس ! … اللي يقرب من الدينامو عقابه ابشع من جرايم داريوس
اوكازيون .. علي سعر الدم كل ما دايرة تظهر … و تعجل إبطال المخدر اللي حقنا بيه الــmonster
بالمناسبة دا مكانش وحش كان سبارتاكوس… و العقل البشري اسوء جريمة . اعتبر قفلنا القوس
………………………….
lirik lagu lainnya :
- kumpulan lirik lagu kay nine tha boss › lirik lagu out the mud – kay nine tha boss
- kumpulan lirik lagu evarose › lirik lagu we can pretend anyway – evarose
- kumpulan lirik lagu ghostekid › lirik lagu poison – ghostekid
- kumpulan lirik lagu next stop atlanta › lirik lagu get in the van – next stop atlanta
- kumpulan lirik lagu holiday uk › lirik lagu sunshine – holiday (uk)
- kumpulan lirik lagu devon gilfillian › lirik lagu get out and get it (jacquel remix) – devon gilfillian
- kumpulan lirik lagu ivete sangalo monica san galo › lirik lagu completo – ivete sangalo & mônica san galo
- kumpulan lirik lagu irene hlubi › lirik lagu mighty god – irene hlubi
- kumpulan lirik lagu badboichris 2 › lirik lagu young flexer – badboichris (2)
- kumpulan lirik lagu genesis barrios › lirik lagu historia – genesis barrios