lirik lagu long story short – elnasser – الناصر
[المقطع الأول]
٢٠٠٦ كنت عيل في اعدادي
كنت تافه مكنتش شايل هم في بالي
وقت الفسحة كله بيهيص ده العادي
كلو كان مبسوط لما يشوف ليه بيداري
كنت حكيك و بقف جون عشان مش لعيب
و فيه ناس بتكرهني عشان a bit غريب
مكنتش بشغل بالي مش بعرف اكره حد
و لحد النهاردة مشكلتي فاكر كلو بجد
بقدم السبت و مش بيجي الحد
بكتم ع الكبت و مش بلاقي حد
المايه في السد و الحلو في العبد
و الزرعة في الشب هتموت مع الوقت
لو مبتتسقيش
هي اللي سابتني مقالتليش متسبنيش
مش عايز اسبق أحداث بس أرتب كلام
يمكن ابطل افتكر زمان واحس اني تمام
شتا 2007 سمعت أول مرة سمعت راب
حسيت لقيت حتة من نفسي في وسط الف تراك
حلمت ابص لبعيد و اشوف نفسي هناك
أبقى من توب الشباب بتلعب بالكلام
قابلت بو الدرك و بيج سام
لسا بادء و عامل كام تراك و عندي كلام
علموني لو في فريستايل عمري ما ابلع لسان
و لو بنباتل في الشارع عمرك ما تكون كسبان
تمام ..
عملت ايه عشان تعرف تبان
فضلت احاول بس معطلني المكان
بسجل بكتب كل يوم و مش فارقلي بكام
دماغي زي المكنة و روحي هي الجاز
قليل اللي بيسمعنا و مكانش فيه إنجاز
والراب بالنسبة للشارع ساعتها كان نشاز
الأرض كانت بور كله بيضرب بالفاس
يمكن تطرح في يوم و ترفع الكاس
يمكن تفرح في يوم و تسمعك الناس
تفضل تسرح في حلمك و تسعى بإنجاز
تنسى و تتوه في السكة و تتسحل في الكاس
تنسى الجول و الكاش و يسطلك الهاش
[اللازمة]
لما الدنيا بتضيق و يعتم طريق
مش عارف انت مين حاسس نفسك غريب
برا ع الشط و غريق
لو مش هتلاقي نفسك محدش هيلاقيك
بتضيق و بتضيق حزنك يزيد
في وسط فرحك حاسس نفسك كئيب
و مش اساسي في الفريق
لو مش هتلاقي نفسك محدش هيلاقيك
[المقطع الثاني]
ضيعت وقت كتير ماشي في الطريق
غلط بس مضطر عشان مفيش بديل
كنت فرد و ماشي مع القطيع
ركنت الحلم ع الرف وترب وكل يوم بحلم بيه
يا ترى هعرف واحقق .. ياترى هخاف و اقلق
الوقت ينسيني والعمر يسرق
و لا العمر يندمني عشان لفيت اللفة الغلط في المفرق
كنت طاير من الفرحة و مش مصدق
لما طلعت أول مرة مسرح والناس بتصقف
و سقطت لما زميلي في نص الرحلة فلق
عادي مفيش حاجة حلوة على حالها بتفضل
بس مؤمن من جوايا اني وردة مش هتدبل
و مصدق نفسي ممكن في يوم هتحصل
الشغف مات مع الوقت و محدش بيسمع
لازم تركز تتخرج تشتغل و تسعى
عشان اخرتك تبقى ترس جوه شركة
عارف.. تفضل مكانك مهما تحرق
و تقول هتعدي هي فترة
بس انت نسيت ان العمر لحظة
و نسيت ان مكانك مش هنا اصلا
زي اكلة ملهاش طعم من غير شطة
الراب مش هيأكل عيش و هيفضل رابطك
بس انا هاكل منه الشهد و هعبي الشنطة
الفكرة مش في الوصول الفكرة في الرحلة
بس انا عايز اوصل هفضل مصدق لو كدبة
يمكن تكون بالنسبالك باينة تافهة
يمكن تكون لاهلك مش مناسبة
يمكن تتوه وتتوه معاك اللازمة
و يمكن الوقت ينساك و تدوب وسط الزحمة
و يمكن مكانش ليها اي لازمة
يمكن تموت و يعيش صوتك فيدعولك بالرحمة
[اللازمة]
لما الدنيا بتضيق و يعتم طريق
مش عارف انت مين حاسس نفسك غريب
برا ع الشط و غريق
لو مش هتلاقي نفسك محدش هيلاقيك
بتضيق و بتضيق حزنك يزيد
في وسط فرحك حاسس نفسك كئيب
و مش اساسي في الفريق
لو مش هتلاقي نفسك محدش هيلاقيك
[المقطع الثالث]
انا مين صدقني مش عارف
حد بيحب الراب بيحاول و بيعافر
و لو بيحبك مش هيقولك ولقلبه يخالف
بس يفرحلك من قلبو عمرو ما ينافق
حد خايف من المستقبل و الطلب و العرض
حد شايف جت بالزق و مجتش حظ
و لو جت سيرتو بتبقى بالخير و الاصل
و لو هتفتكرني كلمني و متستخسرش
حاسس اني لوحدي بس اعرف طوب الارض
حاسس هموت بدري و اني اوصل مش شرط
بس شايف نفسي زي المكنة و مبعطلش
و شايف اني عمري ما هطلع واقول بطلت
و يوم ما اموت يوم ما اكون شطبت
مفيش سكوت جوا دماغي في بس خبط
كل حاجة جوا نفسي محتاجة ظبط
محتاجة تتوجه صح محتاجة ربط
محتاج تربط الحاجات ببعض
محتاج تفهم مفيش سهل و كلو صعب
محتاج تصدق في يوم it will pay off
مبتظبتش و مفيش اجوان لو مشوطش
هعرف اني وصلت يوم ما اكون lost
هعرف اني وصلت لو في المزيكا توهت
عارف طولت و لسا عندي الصوص
متعبتش لما سهرت عشان اكتب بارز
مكسبتش لما خسرت وقت ضاع
مخسرتش لما كسبت جوا نفسي صراع
بفتش جوا دماغي بنص صداع
متعبتش ومزعلتش ع اللي راح
مكدبتش لو صدقت في نفسي و في اللي حولي
مفهمتش ليه في ناس بيستعمو لو شافوني
هصدق نفسي و هثبت عكس للي كدبوني
هصدق اللي بيحبوني عشان صدقوني
[اللازمة]
لما الدنيا بتضيق و يعتم طريق
مش عارف انت مين حاسس نفسك غريب
برا ع الشط و غريق
لو مش هتلاقي نفسك محدش هيلاقيك
بتضيق و بتضيق حزنك يزيد
في وسط فرحك حاسس نفسك كئيب
و مش اساسي في الفريق
لو مش هتلاقي نفسك محدش هيلاقيك
lirik lagu lainnya :
- kumpulan lirik lagu doga icin cal › lirik lagu deniz üstü köpürür, kağızman (doğa için çal – 12) – doğa için çal
- kumpulan lirik lagu karmen › lirik lagu belladonna – karmen
- kumpulan lirik lagu tahades › lirik lagu lilith (interlude) – tahades
- kumpulan lirik lagu divanhana › lirik lagu nema ljepše cure od malene đule – divanhana
- kumpulan lirik lagu french for rabbits › lirik lagu the outsider – french for rabbits
- kumpulan lirik lagu soda luv › lirik lagu бандаж (bandage) – soda luv
- kumpulan lirik lagu lydmor › lirik lagu go slow but go – lydmor
- kumpulan lirik lagu wilbert harrison › lirik lagu letter edged in black – wilbert harrison
- kumpulan lirik lagu marcelo srb › lirik lagu glupi genije – marčelo (srb)
- kumpulan lirik lagu закат в феврале zakat v fevrale › lirik lagu потеря (poterya) – закат в феврале (zakat v fevrale)