a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lirik lagu dahktek w dehikti alya | ضحكتك و ضحكتي عليا – essam sasa

[المقدمة]
هتجاحد، أنا جبت الناهية
الطيبة ودتني في داهية
أيامي رايحة ومش جاية
وكنت فاكر حلمي قريب
ناسين آخرتنا، الحياة سحرتنا ونسينا كلمة ربنا
آخرتنا تربة وحياتنا غربة، على إيه ندوس قلبنا
(كيمو الديب)

[اللازمة]
زعلان من كل الدنيا
تعبان نفسي أرتاح ثانية
أنا بضحك ودموعي في عينيا
حالي متبهدل، شكلي هموت
الحمل على كتفي تقيل
وبمل، فاض بيا الكيل
وحداني ومصاحب الليل
أنا اِكتئبت ومش مبسوط
[المقطع الأول]
قلبي إتجرح ومافيش فرح وصحاب ما يتصاحبوش
عالم رخيصة وقلوب خبيثة، دول ناس ما يتحبوش
زعلان بجد من أي حد في الشدة مالقيتهوش
طيب فجر وقلوب حجر مش حاسة بالدنيا
والليل بيجي يقلب مزاجي، مابقتش لاقي حنية
أنا طافح المر، سرقني العمر، عدت سنيني في ثانية

[اللازمة]
مخنوق من كتر الهم
وبفوق من حلم لوهم
أنا زعلي عادي مش بيهم
أنا غلطان إن أنا حبيتهم
موجوع من غدر إخواتي
ودموع على خدي ليلاتي
الحب مدمرلي حياتي
وأقرب ناس شفت آذيتهم

[المقطع الثاني]
ما أعرفش مالي، بوظت حالي، دمرتني وبإيديا
حبيت الكل لقيت الكل إتغير فجأة عليا
ولبست في حيط، أنا كنت عبيط وفاكرهم بيموتوا فيا
ده الكل جاني بوجه تاني، توهنا إشتغلنا بحبنا
ناسين آخرتنا، الحياة سحرتنا ونسينا كلمة ربنا
آخرتنا تربة وحياتنا غربة، على إيه ندوس قلبنا
[اللازمة]
لحظة فراقك جرحتني
نظرة عينك صارحتني
البعد سكينة دبحتني
وحضرتك مش دريانة بيا
ضحكتك وضحكتي عليا
حبيتك أتاريكي مش ليا
أنا شايف صورك حواليا
كان نفسي تكملي جنبيا

[المقطع الثالث]
صحاب الكيف قلبوا الرغيف لما الكيوف خلصت
وفي وقت الضيقة باعوا بالطريقة، كل الوشوش ملصت
ما بقوش بيجولي، لاقتني بطولي والود حبالوا إتقصت
كنت بحبكوا وبقيت جنبكوا وبروح على الموت قبليكوا
كنت في ضهركوا وأتعاركلكوا وبخاف من الدنيا عليكوا
كلها بتسيب وده كله نصيب، يمكن خير ليا وليكوا

[اللازمة]
هتجاحد، أنا جبت الناهية
الطيبة ودتني في داهية
أيامي رايحة ومش جاية
وكنت فاكر حلمي قريب
الكدب في عينكم مش باين
تلاميذنا فاكرينا زباين
الطيب قالوا عليه خاين
والخاين بقى متشاف طيب
[الخاتمة]
(حصرياً على موقع مهرجانات دوت كوم)

- essam sasa

lirik lagu lainnya :

YANG LAGI NGE-TRENDS...