lirik lagu leu chansonet’e vil – giraut de bornelh
leu chansonet’e vil
m’auri’a obs a far
que pogues enviar
en alvernh’al dalfi
pero, s’el drech chami
pogues n’eblon trobar
be.lh poiria mandar
qu’eu dic qu’en l’escurzir
non es l’afans
mas en l’obr’esclarzir
e qui de fort fozil
no vol coltel tochar
ja no.l cut afilar
en un mol sembeli!
car ges aiga de vi
no fetz deus al manjar
ans se volc esalzar
e fetz esdevenir
d’aiga qu’er’ans
pois vi per melhs grazir
e qui dins so cortil
on om no.l pot forsar
se vana d’aiudar
pois no fai, mas qu’en ri
pr*n a de que.s chasti
e qui de sol gabar
vol sos clameus paiar
ja deus rе can dezir
noca l’enans
ni li lais avenir
pеr qu’eu d’ome sotil
que sap so melhs triar
no.m met a chastiar
ni fort no.m n’atai!
mas un pauc me desvi
car non o posc mudar *
tan m’es greu a portar *
qui no sap eissernir
cans d’entre tans
ni cui com al partir
e si.lh fach son gentil
a la valor levar
aissi.s fan a guidar
c’om s’en sen, a la fi!
que lo savis me di
que ges al mech tensar
no dei ome lauzar
per so ben escremir
ni per colps grans
que.l pretz pen al fenir
e qui ja per un fil
pen pretz, c’om sol amar
greu poira pois trobar
si.s romp, qui ferm lo li!
c’a pauc en un trai
no son li ric avar
c’aissi, co.s degr’alzar
per els e revenir
pretz e bobans
e jois, l’en fan fugir
mas eu tri un de mil
pero no l’aus nomnar
per paor d’encuzar
que.lh dreisses lo coissi!
c’oi del ser al mati
no pot re melhurar
ni ja apres sopar
no l’auziretz re dir
qu’eis lo mazans
no n’esch’apres dormir
era.m torn en umil
vas mo bel*senhor char!
ren als no.lh sai comtar
mas que s’amors m’auci
ai, plus mal assesi
noca.m saup envirar
qu’era no posc pauzar!
ans trebalh e consir
si que mos chans
es ja pres del delir
e deuria.l mandar
mo sobre*totz e dir
que.l maier dans
er seus, si.m fai falhir
lirik lagu lainnya :
- kumpulan lirik lagu rotting out › lirik lagu one more kiss – rotting out
- kumpulan lirik lagu thus owls › lirik lagu devils in the dark – thus owls
- kumpulan lirik lagu bigmorgs › lirik lagu kit of aros – bigmorgs
- kumpulan lirik lagu vale acevedo › lirik lagu yendo de la cama al living – vale acevedo
- kumpulan lirik lagu flex shomaru › lirik lagu go to sleep – flex shomaru
- kumpulan lirik lagu qoldawouldah › lirik lagu visions_and_dreams – qoldawouldah
- kumpulan lirik lagu tamashi › lirik lagu disappointment – tamashi
- kumpulan lirik lagu u2 › lirik lagu trash, trampoline and party girl (outtake) – u2
- kumpulan lirik lagu atl4s › lirik lagu hoodsun – atl4s
- kumpulan lirik lagu kaj van der voort › lirik lagu neem de tijd – kaj van der voort