lirik lagu mot era dous e plazens – giraut de bornelh
mot era dous e plazens
lo temps g*ys cant fon eslitz
paraties, et establitz;
qe.ls drechuriers conoisens
lials, francx, de ric coratie
plazens, larcx, de bona fe
vertadiers, de gran merce
establi hom de paratie
per cui fo servirs trobatz
cortz e domneis e donars
amors e totz benestars
d’onor e de gran drechura
e paraties e bos sens
deu esser capdels е guitz
de totz aures bes complitz;
pеr que las premieiras gens
donero al ric linhatie
rendas, que tenguesso be
zo c’a paratie cove
e doncx, qui ten l’eretatie
ni.l fieu, don el es cazatz
no serf, com vol esser pars
als pros, mas tot l’es pezars
a far so don pretz melhura?
e doncx hom fals maldizens
periurs, avars, deschausitz
desconoisens, apostitz
pos renh’ab gualiamens
lauzengiers e ples d’otratie
pos tot paratie mescre
be volgra saber per que
vol aver nul senhoratie
mas non conois don fon natz
car bos pretz es aitan cars
que no.l sap conprar avars
mas l’autruj ben*fach rancura
e de donas eysamens
fon ia lur bos pretz auzitz
per tot lo mon e grasitz
e fasion honoramens
ab cor de gran vassalatie
e.l forlinhars per iasse
a so tornat a non*re
e teno s’a nessiatie
qui lur vol esser privatz
mas fals mal*dirs e guabars
lor platz, e suau parlars
ab selas de lur mezura
e sil ab los fers luzens
de l’autruj dreit enrequitz
qui viran tost la cervitz
la on tanh aculhimens
son vila per pla uzatie
e totz hom pros que.ls mante
ahunis parati’e se
e, si tot no m’es salvatie
car ab lor no.m soy molhatz
de la plueia que s’espars
no.m platz lor vilaneiars
don ilh me fan car’escura!
lirik lagu lainnya :
- kumpulan lirik lagu xjuicy and biggie anal › lirik lagu spice nights – xjuicy and biggie anal
- kumpulan lirik lagu cast of mamma mia here we go again › lirik lagu one of us – cast of “mamma mia! here we go again”
- kumpulan lirik lagu zbeer › lirik lagu my – zbeer
- kumpulan lirik lagu the kreellers › lirik lagu orange and the green – the kreellers
- kumpulan lirik lagu good charlotte › lirik lagu shadowboxer – good charlotte
- kumpulan lirik lagu kwn › lirik lagu just like that – kw!n
- kumpulan lirik lagu jermaine carr › lirik lagu una llamada – jermaine carr
- kumpulan lirik lagu barely alive › lirik lagu know about me – barely alive
- kumpulan lirik lagu lead belly › lirik lagu polly wee (the frog song) – lead belly
- kumpulan lirik lagu ajdan11 › lirik lagu bombs on monday – ajdan11