lirik lagu dame, a vous sans retollir – guillaume de machaut
dame, a vous sans retollir
dong cuer, pensée, desir
corps, et amour
comme a toute la millour
qu’on puist choisir
ne qui vivre ne morir
puist a ce jour
si ne me doit a folour
tourner, se je vous äour
car sans mentir
bonté passés en valour
toute flour en douce odour
que on puet sentir
vostre biauté fait tarir
toute autre et anïentir
et vo douçour
passe tout; rose en coulour
vous doi tenir
et vo regars puet garir
toute dolour
dame, a vous sans retollir
dong cuer, penséе, desir
corps, et amour
comme a toutе la millour
qu’on puist choisir
ne qui vivre ne morir
puist a ce jour
pour ce, dame, je m’atour
de tres toute ma vigour
a vous servir
et met, sans nul villain tour
mon cuer, ma vie et m’onnour
en vo plaisir
et se pité consentir
vuet que me daigniez oïr
en ma clamour
je ne quier de mon labour
autre merir
qu’il ne me porroit venir
joie gringnour
dame, a vous sans retollir
dong cuer, pensée, desir
corps, et amour
comme a toute la millour
qu’on puist choisir
ne qui vivre ne morir
puist a ce jour
dame, ou sont tuit mi retour
souvent m’estuet en destour
pleindre et gemir
et, present vous, descoulour
quant vous ne savez l’ardour
qu’ay a souffrir
pour vous qu’aim tant et desir
que plus ne le puis couvrir
et se tenrour
n’en avez, en grant tristour
m’estuet fenir
nonpourquant jusqu’au morir
vostres demour
dame, a vous sans retollir
dong cuer, pensée, desir
corps, et amour
comme a toute la millour
qu’on puist choisir
ne qui vivre ne morir
puist a ce jour
lirik lagu lainnya :
- kumpulan lirik lagu melii › lirik lagu slow for me – melii
- kumpulan lirik lagu mariah the scientist › lirik lagu note to self – mariah the scientist
- kumpulan lirik lagu caa loco › lirik lagu eterna și fascinanta românie – ca$a loco
- kumpulan lirik lagu hexseptem › lirik lagu christ roi – hexseptem
- kumpulan lirik lagu sgo48 › lirik lagu aitakatta (lời từ lòng tôi) – sgo48
- kumpulan lirik lagu jamie dornan › lirik lagu when i go – jamie dornan
- kumpulan lirik lagu minty fresh › lirik lagu street life – minty fresh
- kumpulan lirik lagu puffy amiyumi › lirik lagu k2g (kimi ni go!) – puffy amiyumi
- kumpulan lirik lagu pa sports kianush › lirik lagu headbanger – pa sports & kianush
- kumpulan lirik lagu azure the paradox › lirik lagu living in illusion – azure the paradox