lirik lagu joie, plaisance, et douce norriture – guillaume de machaut
joie, plaisance, et douce norriture
vie d’onnour prennent maint en amer;
et pluseurs sont qui n’i ont fors pointure
ardour, doulour, plour, tristece, et amer
se dient, mais acorder
ne me puis, qu’en la souffrence
d’amours ait nulle grevance
car tout ce qui vient de li
plaist a cuer d’ami;
car vraie amour en cuer d’amant figure
trés dous espoir et gracieus penser:
espoirs attrait joie et bonne aventure;
dous pensers fait plaisence en cuer entrer
si ne doit plus demander
cils qui a bonne esperance
dous penser, joie et plaisance
car qui plus requiert, je di
qu’amours l’a guerpi
dont cils qui vit de si douce pasture
vie d’onneur puet bien et doit mener
car de tous biens a comble mesure
plus qu’autres cuers ne saroit desirer
ne d’autre merci rouver
n’a desir, cuer, ne bëance
pour ce qu’il a souffissance;
et je ne say nommer ci
nulle autre merci
mais ceaus qui sont en tristesse, en ardure
en plours, en plains, en dolour sans cesser
et qui dient qu’amours luer est si dure
qu’il ne peulent sans morir plus durer
je ne puis ymaginer
qu’il aimment sans decevance
et qu’en eaus trop ne s’avance
desirs. pour ce sont einsi
qu’il l’ont desservi
qu’amours, qui est de si n0ble nature
qu’elle scet bien qui aimme sans fausser
scet bien paier aus amans leur droiture:
c’est les loiaus de joie säouler
et d’eaus faire savourer
ses douceurs en habundance;
et les mauvais par sentence
sont com traïtre failli
de sa court bani
amours, je say sans doubtance
qu’a cent doubles as meri
ceaus qui t’ont servi
lirik lagu lainnya :
- kumpulan lirik lagu nanomake › lirik lagu 717 – nanomake
- kumpulan lirik lagu the gregory brothers › lirik lagu father, father – the gregory brothers
- kumpulan lirik lagu damaged bug › lirik lagu sold america – damaged bug
- kumpulan lirik lagu exxxtrano › lirik lagu я могу убить тебя (i can kill you) – exxxtraño
- kumpulan lirik lagu esteban › lirik lagu ferris wheel (red) – esteban
- kumpulan lirik lagu kaleido › lirik lagu my rock & roll – kaleido
- kumpulan lirik lagu koushino camaeleon › lirik lagu normaler tag – koushino & camaeleon
- kumpulan lirik lagu ozi stefan chen › lirik lagu missionary (傳教士) – øzi (stefan chen)
- kumpulan lirik lagu stackonit music › lirik lagu turks – stackonit music
- kumpulan lirik lagu andrwmaars › lirik lagu umswenko – andrwmaars