lirik lagu reizele – רייזעלע – hava alberstein – חוה אלברשטיין
שטייט זיך דארט אין געסעלע
שטיל פֿארטראכט א הייזעלע
דרינען אויפֿן בוידעם*שטיבל
וווינט מײן טייער רייזעלע
יעדן אוונט פֿארן הײזל
דריי איך זיך ארום
כ´גיב א פֿייף, און רוף אויס : רייזל
קום, קום, קום!
עפֿנט זיך א פֿענצטערל
וואכט אויף ס´אלטע הייזעלע
און באלד קלינגט אין שטילן געסל
א זיס קול, ס´רעדט רייזעלע :
* נאך א ווײלע ווארט, מיין ליבער
באלד וועל איך זיין פֿריי
גיי זיך נאך א פאר מאל איבער *
איינס, צוויי, דריי !
גיי איך מיר א פֿריילעכער
זינג און קנאק מיר ניסעלעך
הער איך אויף די טרעפלעך שפרינגען
אירע דראבנע פֿיסעלעך
שוין אראפ פֿון לעצטן טרעפל
כ´נעם זי ליב ארום
כ´גיב איר שטיל א קוש אין קעפל *
קום, קום, קום !
* כ´וויל דיך בעטן, דודל
זאלסט ארויף נישט פֿייפֿן מער
* הערסט, ער פֿייפֿט שוין * זאגט די מאמע
זי איז פֿרום, ס´פֿאדריסט זי זייער
פֿייפֿן, זאגט זי, איז נישט ײידיש
ס´פאסט נאר בלויז פֿאר זיי…
גיב א צייכן פראסט אויף ײידיש *
איינס, צוויי, דריי !
* כ´וועל פֿון היינט נישט פֿײפֿן מער
דרויף גיב איך א שבֿועהלע *
דיר צוליב וועל איך אפֿילו
ווערן פֿרום, מײן צנועהלה
כ´וועל זײן ווען דו ווילסט נאר, רייזל
ווי דײן מאמע פֿרום
יעדן שבת גיין אין קלייזל *
קום, קום, קום !
* כ´גלייב עס דיר, מײן ליבינקער
און דערפֿאר דיר, דודל
שטריק איך א שיין תפילין*זעקל
מיט א מגן*דודל
ווען געפֿעלן ס´וועט אין קלייזל
זאגן זאלסטו זיי:
* ס´האט געשטריקט מיין ליבע רייזל *
איינס, צוויי, דריי !
* כ´דאנק פֿאר דײן מתנה´לה
כ´ליב אזוי דיך, רייזעלע !
כ´ליב דײן מאמען, כ´ליב דאס געסל
כ´ליב דאס אלטע הײזעלע
כ´ליב די שטיינדלעך לעבן הייזל *
טרעטסט אויף זיי ארום
הער, דײן מאמע רופֿט שוין: רייזל
קום, קום, קום !
גיי איך מיר א פֿריילעכער
זינג און קנאק מיר ניסעלעך
הער איך אויף די טרעפלעך לויפֿן
אירע דראבנע פֿיסעלעך *
ווידער שטייט פֿארטראכט דאס הײזל
ס´געסל * ווידער שטום
קום צו מיר אין חלום, רייזל
קום, קום, קום !
lirik lagu lainnya :
- kumpulan lirik lagu bwo › lirik lagu in too deep – bwo
- kumpulan lirik lagu ana belen › lirik lagu así soy – ana belén
- kumpulan lirik lagu unified giants › lirik lagu till they fall – unified giants
- kumpulan lirik lagu devante fields › lirik lagu dream – devante fields
- kumpulan lirik lagu los chikos del maiz › lirik lagu trabajador@s – los chikos del maíz
- kumpulan lirik lagu dynamite deluxe › lirik lagu zornig! – dynamite deluxe
- kumpulan lirik lagu dj lucky l › lirik lagu osoarrogant – dj lucky l
- kumpulan lirik lagu junk science › lirik lagu miraculous machines (linda gold) – junk science
- kumpulan lirik lagu epidemic rapper › lirik lagu it ain’t a dream – epidemic (rapper)
- kumpulan lirik lagu bladee › lirik lagu diamondz – bladee