lirik lagu pseaume 27 – le seigneur est la clarté – jan pieterszoon sweelinck
le seigneur est la clarté qui m’adresse
et mon salut, que doy*je redouter?
le seigneur est l’appuy qui me redresse
où est celuy qui peut m’espouvanter?
quand les malins m’ont dressé leurs combats
pour me cuider manger à belle dents:
tous ces haineux, ces ennemis mordans
j’ai veu broncher et trebucher еn bas
tout un camp vienne et moy sеul environne
jamais pourtant mon cœur n’en tremblera
vienne assaillir qui voudra ma personne
dessus cela mon cœur s’asseurera
à l’éternel j’ay requis un seul poinct
et veux encore luy requerir tousjours
que si long temps que dureront mes jours
de sa maison je ne m’esloigne point
a celle fin que je voye et contemple
de son palais l’excellente beauté:
et que je puisse, estant dedans son temple
le visiter d’un et d’autre costé
car au dur temps, quand je seray pressé
caché seray en sa tente à l’escart
en quelque coin, et plus secrette part:
puis derechef au plus haut redressé
aller me fait desja sans nulle crainte
haussant la teste entre tous mes haineux :
par quoy aussi dedans sa maison saincte
chanter, corner, sacrifier luy veux
puis que je viens, ô seigneur, te prier
soit ma requeste entendue de toy :
puis qu’au besoin tu m’entens escrier
je te supplie qu’ayes pitié de moy
j’ay dedans moy apperceu mon courage
comme en ton nom m’advertissant ainsi
employe toy à cercher mon visage :
tu vois, seigneur, que je le cerche aussi
de moy, helas ! ta face ne soit loin :
ton serf ne chasse en fureur, ô mon dieu :
tu m’as esté favorable en maint lieu
dieu mon sauveur, ne me laisse au besoin
quand je n’auroy pour moy pere ny mere
mon dieu sera pour moy, quoy qu’il en soit
je suis pressé : parquoy, ô dieu mon pere
enseigne moy ton chemin bon et droit
aguetté suis par plusieurs ennemis
et faux tesmoins, qui en leurs bouches n’ont
sinon l’outrage, et le tort qu’ils me font :
las ! ne permets qu’à leur plaisir soy’ mis
certainement n’eust esté l’asseurance
qu’icy bas, mesme avant que voir la mort
des biens de dieu j’auray la jouïssance
sous un tel faix pieça je fusse mort
or donc atten tousjours patiemment
le seigneur dieu : soustien jusques au bout :
dieu te viendra asseurer contre tout
or donc atten de dieu l’advenement
lirik lagu lainnya :
- kumpulan lirik lagu hariki › lirik lagu out the time – hariki
- kumpulan lirik lagu koushino camaeleon › lirik lagu bei uns – koushino & camaeleon
- kumpulan lirik lagu clayton santiago › lirik lagu sophomore – clayton santiago
- kumpulan lirik lagu faaris › lirik lagu that guy – faaris
- kumpulan lirik lagu aorlhac › lirik lagu vingt sièges, cent assauts – aorlhac
- kumpulan lirik lagu i am orange › lirik lagu nevertelluuu – i.am.orange
- kumpulan lirik lagu nonekk › lirik lagu madina plugg – nonekk
- kumpulan lirik lagu matieu white › lirik lagu kon losa (oxlade – ku lo sa remix) – matieu white
- kumpulan lirik lagu milo herro › lirik lagu telesuiteful – milo herro
- kumpulan lirik lagu tmd trapmoneydarwin › lirik lagu five figgä – tmd (@trapmoneydarwin)