lirik lagu gwa 3aa’li – جوة عقلي – malek tk
صداع تاني. . بطلوا رغي جوة شوية
مسكنات و قهوة اظن عملت اللي عليا
باعدني الكل عني و مغربين تفكيري
عقلي بيطفح انقاض انسان كإنه واحد غيري
عقلي بيشوه كل حاجة… عقل بيموت كل شخص
شايف في الكل سطحية و سذاجة… عقلي جهاز بيقيس النقص
بيزيد النبض يزيد ارهاقي فيزيد علي عقلي ضغط
بشوف جثتي عالارض و اشوفني واقف نازل رقص
عقل حاطط كل شخص فثقب إسود في كوني
ناس.. ملهومش ذنب غير كونهم يعرفوني
نسج خيالي بخيط كفن إسود
حبل افكاري مشنقة للكل
مقدرتش تبلع النبذة بس
عقلي نفسه منسى في خل
ببعد عن الناس عشان مأذيش حد غير نفسي
اوضتي فيها ١٠٠ شخص غيري برغم اني فيها لواحدي
كل حاجة فيها بتاعتي النصل و الجثة و المصحف دي حاجتي
الكتب و التبغ السجارة و الويسكي
جاثومي و قلة نومي و وساوي القهري
تراكاتي مكتوبة بحبر شفاف بيلمع في الضلمة
من غير الراب في حياتي كان زماني ميت اصلا
بس استني… هو انا عايش فعلا
غريب عن الكل عقلي تقيل علي جسمي نفسه اصلا
النبض سريع تهديد بجلطة
لا مش لازم اقوم النهاردة
لا مش هبطل دوشة و ضحك و عياط في نفس اللحظة
انا دايما في الضلمة
عشان أظهر منور
عقل بياخد كل مدُخل و يكبر فيه و يزور
عقلي مشوش ذاكرتي تايه في اللي فات من سنين
عمر فات مش فاكر فيه اغلب اللي عيشته فيه
مش عايز اتجوز عشان انا وعقلي من اللي بنعمله في بعض شبعانين
عيان و ميت و افهم انت
بخاف من اي مسئولية جذا
بقيت تايه في دماغي معرفش وصلت لكدة ازاي و امتى
مثل اعلي ليك يا خيبتك
شوف لك حد يطور ذهنك
اما انا… هسحبك لتحت
لو قربت هتخاف و تجري الوان هتبهت و يبان الفرق
و ساعتها هجيبك قدامي اوريك فني.. و انهار مالضحك
.. عقلي متاهة مسدودة مفيهاش ليفلات غير ليفيل الوحش
.. انا مش شيطان انا بلعنه كل ساعة
افكاري فيضان و انا… غير مدرك بالسباحة
ذهن تحليلي انتقادي مشوه
فكري نرجسي سايكوباتي مشوش
شخص بيلمع من بعيد و منور
و كل ما تقرب هتبان العتمة
شخص كداب بمليار قصة
مش عارف فعلا تداري طيبتك
مش عارف فعلا تبين الشر جواك
برغم كونه انت
ساذجين كلهم برة شايفين انهم ضحايا الناس
و انا عارف اني السبب في اللي بيحصل و كل احساس
كل مشكلة فيا دي بسببي
عمري ما أذيت حد غير نفسي
تأثيري سئ ع اللي يعرفني
لكن مفيش أذي من عندي
كل المشكلة جوة عقلي.. عايز
استئصله كدة كدة مش عايش
كدة كدة مش حاسس غير بالألم
و العقل يوجع و المخ عادي
مع اني يوميا يقتلني عمري ما فكرت في الانتحار
بلبي نزعتي السادية فيا من غير تردد في القرار
صابني برود اعصاب مزمن بقى صعب أتأثر
بفكر اكتر و انا تعبان و بتعب كل ما افكر
زي ما اكون عديت السن بس موهوب في كورة
صورة حلوة جدا معروضة علي شاشة مكسورة
لسة بترافع في قضية متهم خلاص اتعدم
عقلي بيلعب بيا و كل خطوة تسبب ندم
كوابيسي مفيهاش عفاريت كوابيسي مليانة بنيادمبن
عفاريت.. غاوية تنطط قدامي اول ما اخرج مالبيت
عندي كلام كتير فشخ مش عارف هحكيه لمين
و كل ما حد يقرب ابعد و مش عارف هوصل فين
تخيل متحملتش تشوف و تسمع حبة مني
انا عايش في فيلم الرعب دة و عادي يعني
مليش في الصياح و الحزن و الشكوي لغير الله
مع اني لو صرخت زوري هيطلع ازاز
لحد ما بقيت كابوس تشوفني في النوم تقوم تستعيذ
اوعي في يوم بيا تستعين
عشان هشتريك و بارخص تمن هبيع
مليش عزيز… اتخليت كتير
متوقع ليا اسوأ مصير…
متوقع موتي في السرير و انا لواحدي
lirik lagu lainnya :
- kumpulan lirik lagu elle vee › lirik lagu let me in – elle vee
- kumpulan lirik lagu isiz › lirik lagu пожар (fire) – isiz
- kumpulan lirik lagu bruh bruh › lirik lagu never be the same – bruh bruh
- kumpulan lirik lagu yung wiss › lirik lagu faustinita – yung wiss
- kumpulan lirik lagu buszu › lirik lagu gram se w fifę – buszu
- kumpulan lirik lagu винт vint ru › lirik lagu базарю no (bazaar no) – винт (vint) (ru)
- kumpulan lirik lagu kaaris › lirik lagu la france sous pression – kaaris
- kumpulan lirik lagu cardiacs › lirik lagu the bitter pill – cardiacs
- kumpulan lirik lagu arjuna killa › lirik lagu lit pt.2 – arjuna (killa)
- kumpulan lirik lagu beachware › lirik lagu see what i see (i’m not letting you go) – beachware