lirik lagu the third – muhammad osama, ramy donjewan
قافل علي نفسه بابه قاعد لوحده حزين
قاعد في بيته منعزل فاقد الثقه بالبني ادمين
وحده .. ما هو طول حياته كان لوحده
حتي مع الناس كان بيحس انه لوحده
محدش فاهمه ومستوعبه محدش حاسس بيه
اللي مبينه للناس مش اد اللي مخبيه
اللي مقالوش لسانه فضحته وقالته عنيه
كل يوم بيسأل نفسه هو انا عايش ليه؟
كل الناس اتقدمت وانا وحدي واقف في مكاني
كل صحابي اتجوزوا وانا وحدي وحيد وبعاني
عاطل ، ايماني بالامل كان ايمان باطل
وصلت لمستوي من الاحباط والاكتئاب واليأس القاتل
احلام ، مسئوليات ، فشل ، حب ،اخفاقات ، تعب بدون انجازات
فجأة تم التلاتين، من بعد ما كنا شباب القلب الابيض فجأة اهو شاب
لو كانت الدنيا عذاب في عذاب يبقي انا من ضمن الميتين
الدنيا حظوظ مش بنبص لحد في ماله
الدنيا فلوس مش موهوب والحظ اداله
الدنيا تدوس علي اللي ماشي غلبان وفي حاله
الدنيا لبوس انا مش عايزها خلهاله
زاهد وبالباقي فيا من قوة بجاهد
ساعات بكون بطل ساعات بكون مشاهد
حبيت البلد دي والبلدي محبتنيش
والحاجه اللي بتسيبني بسيبها متلزمنيش
كنت شخص مبتسم لإني جاهل باللي جي
بدون ما أتوقع إن القمر ممكن ينطفي له ضي
كنت بسقي زرعي وردي في البلكونة كل يوم
كنت بأذاكر و اجتهد و بصحى بدري من النوم
كان تفاؤل اللي حواليا شيء ايجابي
كان جرابي ممتليء بكل حلم آتي من كتابي
انا بحكي بدايتي في السذاجة يمكن تتعظ
تعرف إن أملك في الوطن بقى شيء مستفز
اليأس مش خيانة اليأس ضعف محترم
حقيقة مؤلمة إني أشوف تضخم الورم
استمر في المكان ده يعني أفرط في انسانيتي
هافتقد صحابي أهلي ناسي كل ركن في بيتي
مفيش وطن .. مش عايز غير إني اكون إنسان
يوم ما أحس إني و الجماد سيان هاسيب المكان
الحقيقة كالكابوس .. السعادة في الفلوس
الشر منبعه البشر منبعه النفوس
سايبهالكو مخضرة لإني شخص واقعي
فقدت كل عاطفة زالت ما بين أصابعي
حتى الحب طار لانعدام وجود المادة
و الحرية انتهت بفضل الثورة المضادة
الوطن بيجبرك تدريجيا تبقى فاسد
ع الأقل لو شريف هتبقى حاقد تبقى حاسد
الوطن بدل ما يدي ناسه طلع حرامي
سرق عمري و عمر جيلي و مش هزود بعد رامي
أنا لازم الحق نفسي اشوف وطن بيحترمني
أي مكان ماليش كرامة فيه يبقى مش لازمني
مكان خطر على حياتي الخلفة فيه جريمة
مجتمع خطر على دماغي بافكاره القديمة
الهروب ضرورة للتخلص من كل الشرور
كل معاني الانتماء ربطتوهالي بالباسبور
يا كل دولة حرة أتمنى يكون زعيقي واصل
لاجيء بلا وطن رافض حدود أو فواصل
تلاتين سنه بالتمام عيشتهم في البلدي وكل ما اقول تتعدل بالاقي سنه بتعدي
ذل مهانة سنين عذاب مقفول في وشي ألف باب من الطفولة للشباب
بحلم بالبلد اللي تودي ، مش لاقي نفسي هنا غصب عني لازم امشي
كل الاحلام ادفنت وحلمي وقع ما قامشي كل اللي عيشته هنا سنين
عذاب ولما همشي انا هنسي كل حاجه عيشتها هنا قبل ما امشي
فتحت عيوني في بلاد المولود فيها مفقود الدين فيها المصلحه والجنيه
اله معبود ، الكل فيها شقيان لكن الا المسنود في بلاد العالم التالت
فساد ملوش حدود ، في العالم التالت نبيهم اكل العيش في العالم التالت
يؤمنوا بالله ويسجدوا للجيش في العالم التالت قوة عظمي اسمها حشيش
بلاد العالم التالت بتاخد مبتديش ، انا ماشي قبل ما اموت قبل ما الوقت
يفوت ، ماشي بعيد عن البلدي و عن الحدود ماشي ومعنديش اي
نية اعود ، ماشي مانا استنيت الحق لكنه مجاشي
ملايين من الدوافع عماله تقولي قعادك هنا مش نافع ضيعت سنينك
مجهودك ضحيت مش شافع عليت الصوت فهتفولك طالبت بحق
فقتلولك القلب اليافع
اتولدنا في الحلال اتعلمنا ودخلنا جيش قعدنا علي القهاوي لا كسبنا ولا كلنا عيش
اشتغلنا كل حاجه والشهاده منفعتناش تعبنا واتبهدلنا بعنا نفسنا ببلاش
كل ثانية عيشتها فيكي من حياتي مش محسوبة وسنين امالي واحلامي
كانت اكذوبة ضيعت سنين في اوهامك
كنت في غيبوبه والنهايه من البدايه للاسف كانت مكتوبة
lirik lagu lainnya :
- kumpulan lirik lagu neon boys › lirik lagu thats all i know (right now) – neon boys
- kumpulan lirik lagu curtis harding › lirik lagu wednesday morning atonement – curtis harding
- kumpulan lirik lagu king mighty › lirik lagu hard times – king mighty
- kumpulan lirik lagu curtis mayfield › lirik lagu mr. welfare man – curtis mayfield
- kumpulan lirik lagu arka › lirik lagu invasion (freestyle) – arka
- kumpulan lirik lagu lonewolf metal band › lirik lagu the grey wolves – lonewolf (metal band)
- kumpulan lirik lagu nbreezy › lirik lagu who dat – nbreezy
- kumpulan lirik lagu donovan woods › lirik lagu i don’t belong to you – donovan woods
- kumpulan lirik lagu the cross › lirik lagu penetration guru – the cross
- kumpulan lirik lagu gene parsons › lirik lagu take a city bride – gene parsons