lirik lagu thanaweya 3ama – robert raphael
[intro]
(اما الناس اللي بتقولك مش هتنجح الا لما*
تذاكر سنة و في الاخر الكتب تترمى
هي دي السنة اللي حرقت فيها دمك
السنة الكابوس اللي اسمها ثانوية عامة)
[verse]
قلة نوم و قلة أكل
لحد ما اتغير الشكل
324 يوم دراسة، الموضوع مش سهل
و كل مرة آجي اخرج فيها برضو بلاقي جهل
كنت طالع زي الجبل بس نزلت زي السهل
انا مش مرتبط بدلوقتي و باللي جي و باللي فات
ولا الشغف اللي مات
على رغم الفساد اللي يوميًا بيتعاد
النجاح طول عمره قريب بس انتوا اللي بعاد
دايمًا بقول المفيد، مش محتاج اكتر
هفضل برضو اعمل الصح لحد ما غسان يمطر
كل يوم في الدمع بنكتر و الفرحة بتتقطر
مافيش تعب تتحاسب عليه ولا جهد بيتقدر
فا مش فارقة بالعرض بالطول
محدش مسؤول
عن اي تعب تتعبه، فا اسعى هتنول
9 ساعات في السنتر مقضينها كدا خروج و دخول
و بعد كل دا كل مدرس يجي يقول:
شبيك لبيك المراجعة بين ايديك
يا تخلص عليها، يا تخلص عليك
بس فوق، بالنسبة للنوم مش هتدوق
اللي فاضل لسة كتير و النفسية مش هتروق
نفسي بعد كل دا يجيلي يوم و اقول ارتحت
ايه فايدة البص لفوق و انت مكمل نزول لتحت؟
شوف كام مرة سرحت انك نجحت و اتمرجحت
شوف كام مرة تعبت و النتيجة انك اتجرحت
دمنا اتمص و اتشرب
شوف كام عقل اتخرب
سمعت صياح كتير لحد ما زهقت من الطرب
و دلوقتي عايز اتكلم عن أسوأ منظومة في الدنيا
اللي خلت حياتي اصعب من امتحان الكيميا
اللي اتفرج مش زي اللي جرب مش زي اللي اتهرب
مش زي اللي كل يوم حلمه كان بيبعد مش بيقرب
مرة على مرة هنطلع لقدام
لو بطلوا يجيبوا وزرا جديدة يعلوا على القدام
في اللي سهر، في اللي نام
في اللي وقع، في اللي قام
في اللي اتخنق زي اللي حوالين رقبته حزام
ايه الحوار؟
بقينا material للجرايد و الاخبار
بيعملوا memes على الطلبة اللي بتنهار
دا استهتار خلى الدم فار من العيشة في النار
لما الناس بقوا ياخدوا الجد على انه هزار
حاجات كتير ملهاش لازمة بس فيها بنمتحن
و للاسف طاقة الانسان مش بتتشحن
مبقاش في حاجة تتقري، الكل بقى بيكتب
مبقاش في حاجة تتصدق، الكل بقى بيكدب
ياترا اللي بيتعلم عايز علم ولا فلوس
و ليه عشان نتعلم لازم على كل احلامنا ندوس
الحياة مش فاضلها كتير
و هتبقى دايمًا الاخير
طول ما مقضيها تفكير
و انت مرمي على السرير
واحدة واحدة روحنا بقت بتطلع مع كل زفير
عشان زهقنا من كتر التركيز في التقفيل
النفسية مستوية
و النتيجة هي هي
عشان وزارة مفترية
علت التنسيق هدية
كل شوية يغيروا النظام كأنه اختراع
شوف كام طالب كان مش بينام من كتر الصداع
شوف كام طالب شغفه راح و نفسيته كانت في القاع
و بعد كل دا اكتشف ان حلمه ضاع
قرارات هبلة بتتقال و يقولك نظام
قرارات مايقولهاش حتى مريض الفصام
مش هتاخد على قد تعبك مهما تعافر
فا انت عافر بس لهدف واحد هو ان انت تسافر
الناس على باب التظلمات واقفين طابور
نفسي اسيب البلد و مع اول فرصة هغور
ما انا كدا كدا هسافر، بالعافية او بالذوق
يا اسافر لبرا، يا اسافر لفوق
و بعد كل دا، كل المجهود بتاعي اتنسى
و يبقى كدا 18 سنة ضاعوا في المدرسة
بالنسبة للتنسيق، ليه النسب بتعليها؟
كل دا عشان شهادة العالم مش معترف بيها؟
للاسف البلد ماقدرتش حبي ليها
الحقيقي واضحة امتى هتعترفوا بيها
اما الناس اللي بتقولك مش هتنجح الا لما*
تذاكر سنة و في الاخر الكتب تترمى
هي دي السنة اللي حرقت فيها دمك
السنة الكابوس اللي اسمها ثانوية عامة
lirik lagu lainnya :
- kumpulan lirik lagu can mit mer › lirik lagu ghost – can mit me$r
- kumpulan lirik lagu conway twitty › lirik lagu life’s too short (no matter how long it lasts) – conway twitty
- kumpulan lirik lagu saytem › lirik lagu não toca no meu beck – saytem
- kumpulan lirik lagu rasti › lirik lagu police car – rasti
- kumpulan lirik lagu dylan brady › lirik lagu love u bb – dylan brady
- kumpulan lirik lagu sweet tempest › lirik lagu from the night – sweet tempest
- kumpulan lirik lagu wyguy › lirik lagu silly boi – wyguy
- kumpulan lirik lagu thayne › lirik lagu toy pa’ ti – thayne
- kumpulan lirik lagu facundo el autentico › lirik lagu poesía – facundo el auténtico
- kumpulan lirik lagu jl mc › lirik lagu neblina – jl mc