a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lirik lagu gladiator – samoerai

welkom int colosseum, de wereld’s meest bloederige arena
tis et ruim van gladioaters, leeuwen, paarden en hyena’s
woa dat et bloed vergoten wordt, e moordend ritueel
das ier rome, we geven junder brood en junder speeln

gladioaters oendergoan joarenlange trainingsessies
zukke investering zomo verliezen is ut dе kwestie
et grote gros van dе gevechten is nie anders
dan een woare afslachting van slaven en krijgsgevangen

vandage ist er e special, e strijd tussen titanen
2 vree ervoaren gladioaters gon straks oog in oge stoan
et wordt et echt spektakel, heel de middag ist ol bezig
en nu zien we der biena, de keizer zelve is anwezig
de latste slachting is olwere ofgelopen
de 3 leeuwen zijn vuldoan weer in under kot gekropen
de restanten van de lijken worden vree rap vergoard
en de arena voorbereid met anpassingn an et decor

der worden 2 immense vuurkorven angestoken
in et midden van et strijdveld, tpubliek is warm ant lopen
je oort de strijdkreten van ut de tribune komn
ze zien der kloar voorn, de gladioaters meugn b*ttnkomn

doar is krijger soema, de barboar, de ziener uit et oosten
in de woestijn tussen de leeuwen getraind voe te vermoorden
e meter 87, e vers geslepen zwoard
en e traditionele vechtershelm en soema is kloar

de krijger an de overkant is brutos de bezetene
ol joaren ongeslagen kampioen en overlevende
2 meter 20 groot, 140 k!llo spieren
e verzameling an litekens die ze heel ze lichaam sieren

tzien souvenirs, herinnering an slachtpartijen
volgens legendes is brutos in stoat voe af te zien
toet up et punt daj niemi zoe geloven dat et kan
nog nooit et ie e strijd verloren zelfs nie van 300 man
ze treffen in et midden, ze buigen, ut respect
e seconde loater trekt brutos ze mes
en zet de aanval in zoender te hesisteren, soema is verast
en krijgt in deerste vuf seconden direct e eerste kleine kras

tpubliek wordt wild, mo soema gift gin kik
ne checkt de snee up zen oarme en smiet brutos e k!lle blik
et zwoard komt ut de schede, brutos pakt ze bijl
en beide stormn up mekoar of, de spanning is te peiln

in ieder zitje int publiek, een eerste echt contact
de wapens kletteren en kletsen, ze slaon met olle macht
tgeluid van et metaal da mekoar treft is oorverdovend
ieder slag snijdt deur de lucht ol addn ze de kracht van goden

et vlees rukt open, et bloed is ol ant gieten
beide zien ze af en toe in stoat et wapen just te klieven
brutos ontploft, grijpt soema in ze middel
ramt em vlak tegen de grond, nu wordt et ingewikkeld

sloat et zwoard van ut zen handn, soema liekt verdoofd
want brutos slaot em 5 keers met ze blote vusten up zen hoofd
mo schijn bedriegt in de meeste gevalln, ne doet alsof
dat ie butn bewustzijn is, en brutos makt et wa te hof

ne stapt van ze tegenstander weg en makt ne geruchte
smiet ze bijl weg in de verte, smiet zen oarms in de lucht
mo das ook et moment woabij dat olles word gewijzigd
want de keizer en nog e verassing wachtend voe de krijgers
ze worden vo de leeuwn gesmeten, euh, letterlijk
van olle kanten oorn ze gebrul en twordt intenser
up de rechterkant schuft er e poorte open en direct
verschijnen der 3 kolosale monsters met kwijl in under bek

soema springt recht, kiekt rond em en beseft
dat brutos niemir anwezig is in d’arena, hij is weg
de 3 chimera’s lopen up em of mo ze en pech
want ieder leeuw verliest onmiddelijk ze kop in et proces

en doar is brutos were
ut et poorte komt ie up e perdenstel gereden
mo voe soema ist genoeg gewist, de druppel is gelandt
ne kijkt rond em, en pakt brutos zen eigen bijl in z’n hand

die komt vanut de verte up em of up vulle toern
soema concentreert, tracht em niemi te veroeren
en ne smijt de bijl lik of dat ie zo licht is lik e veer
e seconde loater wordt brutos zen oarme geamputeerd

tpubliek ontploft, de keizer explodeert
brutos volt van ze strijdwagen en ku niemi boegeern
ze wos et nie gepland, zo ad niemand et gepeisd
grote stoatslieden woarn voe’t gevecht van ver gereisd

de grotste gladioater dat de wereld et gezien
ligt nu met 1 oarme nere up ze knieën
ne snikt en vraagt vergiffenis, ne smeekt achter ze leven
mo soema is beslist, der meug mo 1 twien overleven

ne zet e stap vorut, en wederom trekt ie ze zwoard
tgevecht et lang gedeurd mo nu ist kloar
nog e kleine stap vorut en 1 zwooai zorgt voe bloed up et decor
vanaf nu kent iedereen de name soema de barboar

- samoerai

lirik lagu lainnya :

YANG LAGI NGE-TRENDS...