a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lirik lagu hip hop – samoerai

toen dak je zagen voe den eerste ki
gaf je me leven zoender daj et zelf wist betekenis
hip hop, en kweetnt nog lik of dat gisteren wos
da je me met beide oarms anverde en begripvol wos

je sprak men an in e tale dakke begrepen
kwoarn ossan ol rebels gewist mo gie gaf me е reden
je wost еr telkens voe me ak nood addn an comfort
en je gaf me leven ieder ki dak doodnerveus woarn

der is niemand anders in me leven
woamee dak zovele tijd en intieme momenten en kunnen beleven
tis meer dan 20 joar dan we elkander kennen
ol 20 joar dak mezelvn deeln via me pen
bikan 20 joar geleden dak voe den eerste ki up stage stoen
kun me niemi voorstellen wat da ze zeidn toen
met men hand up men erte en men ogen toe
delivery tekort, mo wel punchlines in overvloed

we woarn zoekende mo gaven us volledig
en dus wost e dikke feeste up gelijk wukken uptreden
da zien tiedn da ze me noois niemir ofpakkn
cyphers up et dak van us resort tijdens de bosklassen

kherinnern me nog jams met tonedef en fatlip
toen dat iedereen nog investeerde in die rap sh*t
werkte an de sk!llz en finesse voer e mic te rocken
ert en ziel in ieder zestien in de cypher stopn

hip hop
tis nooit te loate voe je liefde te verkloaren
hip hop
merci voe der te zien deurheen de joaren

k’kun je nie zeggen wat daj ol betekend et
je ziet de leerkracht dak up et schole noois gekregen en
je wost er up momenten dak volledig nie begrepen werdn
en gaf me inspiroatie, goeie road en wijze levenlessen
an joen dank ek ik me olve educoatie
je zie bie me in men erte in iedere situatie
hip hop, kwiln je expliciet bedanken
voe de wijze woarup daj de jeugd omarmt met je klanken

je ziet e lichtpunt in de duisternis
iets da in de kern nie angetast en zuiver is
voe mien ziej meer dan just e hobby of e trend
je zie men alfa en omega in connectie met me pen

kzien dankboar dak je kennen, dak kennis meugen maken
met je kracht en energie die men ol joarenlang bewaakt
tegen et slichte in de wereld, je zie me therapie
en me geluk, up momenten van complete dystopie

soms de druk, dak nodig en voe mezelvn te pushn
soms de nodige slap in me face of de koude douche
die me dwingt, e stap te zetten en te innoveren
jet duizend wijzes woarop daj me nog goat inspireren

k’kunnen je nie vulwoardig eren, der zien te weinig woordn
ken mezelvn ol zovele in je verloren
dak mezelvn en gevoen deurheen de joarn, je trok me ut de slop
en gaf me reden voe te leven, dus dezen ier is upgedragen an

hip hop
tis nooit te loate voe je liefde te verkloaren
hip hop
merci voe der te zien deurheen de joaren

- samoerai

lirik lagu lainnya :

YANG LAGI NGE-TRENDS...