lirik lagu nachtgedanken – the piano has been drinking
[1. akt]
se hät et nit leich wie se stiefstaats erenkütt
un verjeblich applaus für ihr zahnping erheisch
besser wie arbeide jonn
säät dä thomas bezahlt un es us d’r düür
do mussde met schabau spöle
erklärt ign*z*us un jeht für klein mädche
du häs he noch ene deckel
tönt dä weet un kratz sich ene smogjäle pickel bloodich
des kenn i
schwätz dä österreicher un wink aff
un sei luurt alle 10 minutte op ihr swatch
und waat op dä drogentherapeut dä sieh diplom en ibiza jemaat hät
weil dä versteht jet vun zahnping
nä se hät et nit leich
[2. akt]
se hät et nit leich wie se stiefstaats erenkütt
un verjeblich applaus für ihr darmjripp erheisch
dat jeht op mich
säät dä weet un läät ihr en jröne banan op de thek
do mussde met schabau spöle
erklärt ign*z*us un lies prophylaktisch de zeidung vun jestern
dä thomas es en jedanke bei singer eijene seuche em backgammon
dös is a malaria
diagnostiziert dä österreicher un lööss hätzensjoot eine fleeje
express! stadtanzeiger!
blöök da expressmann un frööt it ob die zahnping dann schon besser wöre
dä drogentherapeut es hoffnungslos breit un jrins en de ewigkeit
un sei luurt alle 5 minutte op ihr swatch un waat op dä
regieassistent vum hennesje*theater dä mem späumanes
per du es weil dä versteht jet vun darmjripp
nä se hät et nit leich
[3. akt]
se hätt et nit leich wie se stiefstaats erenkütt
un verjeblich applaus für ihr schw*ngerschaff erheisch
wä wor dat
stammelt dä weet un määt de musik us
wie alt soll et dann weede
frööt dä thomas un versichert jlaubwürdich
ich frore jo nur
dä drogentherapeut es vill ze breit öm sich en su e
sensibel thema ahnjemesse enzebringe
express! stadtanzeiger!
blöök dä expressmann un frööt it op die darmjripp dann jetz besser wör
jadoleckmijjandertäsch
knüttert dä regieassistent vum hennesje*theater
contra re verlore
un schriev sich 96 miese ahn
do mussde met schabau spöle
erklärt ign*z*us un jeht op dä abort
wie sois denn häässen
fragt der österreicher ohne vun singem kreuzworträtsel opzeluure
un sei luurt alle 3 minutte op ihr swatch
un waat op dä kameramann vum wdr dä se ens
janz jross erusbringe wollt weil dä versteht jet vun schw*ngerschaff
nä se hät et nit leich
[4. akt]
se hätt et nit leich wie se stiefstaats erenkütt
un verjeblich applaus für ihr depressione erheisch
wat sin dann depressione?
frööt ign*z*us un bestellt sich ene schabau
en dingem alter
säät dä regiesassistent vum hennesje*theater
do hatte mer kein zick für su jet
ja lommer jet laache
säät dä thomas un raaf sich singe jewinn usem spillautomat
du kanns hück ene deckel maache
säät dä weet un jitt ihr ne offene piccolo
dös is wahrscheinlich hundert prozent psychosomatisch
glaubt der österreicher un kritt ene asthmaanfall
dä drogentherapeut es hück manisch kreativ un rührt
bejeistert met ener salzstang en singem kölsch
ausziehen!!
schreit dä kameramann vum wdr un laach sich kapott
express! stadtanzeiger!
blöök dä expressmann un frööt it op dä klein dann schon loufe künnt
un sei luurt alle nas lang op ihr swatch
un waat op ihr fröndin die ne lichterkettenzubehörcenter
en cottbus opmaache will weil die versteht jet vun depressione
nä se hät et nict leich
[5. akt]
se hät et nit leich wie se en sack un asche erenkütt
un ihr nix fählt
un ihr nix fählt
un keiner säät jet
keiner säät jet
keiner
nä se hät et nit leich
lirik lagu lainnya :
- kumpulan lirik lagu celeste kay › lirik lagu menace to myself – celeste kay
- kumpulan lirik lagu broken pupil › lirik lagu feel like i’m all alone – broken pupil
- kumpulan lirik lagu barius › lirik lagu урок (lesson) – barius
- kumpulan lirik lagu klyn › lirik lagu zona – klyn
- kumpulan lirik lagu dumb as rocks › lirik lagu my pills – dumb as rocks
- kumpulan lirik lagu slkw_ › lirik lagu whats my name? – slkw_
- kumpulan lirik lagu jfdr › lirik lagu drifter (dream on version) – jfdr
- kumpulan lirik lagu ys kaelee › lirik lagu emergency – ys kaelee
- kumpulan lirik lagu walk on fire › lirik lagu miracle of life – walk on fire
- kumpulan lirik lagu lord of the lost › lirik lagu my deepest fear (demo 2008) – lord of the lost