a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lirik lagu ma ta3rafch ma tahdarch – tox (theory of existence)

[اقتباس 1]
سرقوا وداو
jusqu’à quand vous allez gérer ce pays comme ça ?
وين راكم رايحين؟ والبلاد هذي ما تغيضكمش؟ والشعب هذا ما يغيضكمش؟
jusqu’à quand, jusqu’à quand…

[المقطع الأول : بانيس]
كنت نقول أنا بعيد عليا السِّياسة
ما سحقّيت أنا حياتي نعيشها بالسْياسة
كنت صغير ما داري حتى جاتني السوسة
في التسعين أنا شفت بزاف الموتى
كل يوم في الصفحة الأولى تاع الجريدة
أخطيني، دوّر الصفحة شا كاين في التلفزة
هذا زمان مع القناة الوطنية
من رمضان لرمضان والباقي مع أسترا
راك تعرف البرنامج: رياضة – موسيقى
في الشومبرة معلّق أنا علام البارصا
!أوروبا، أمريكا، شعال بعيدة عليا
بيلا ما اكري كاسيطة في الدار دير السينيما
صاحبي، الحياة كي الفيلم وعينيك الكاميرا
أنا تأكدت في شعال من هذ النظرية
بغيت لقدر، يخص الحكم والقدرة المالية
الدنيا كي الشطرنج، كلشي على استراتيجية
مين بلغت اكتشفت الحياة الاجتماعية
مُعرّف باللقب والاسم ، دخلت في القائمة
هذوك غير الثواني الأخيرة تاع الحرية
وليت حامل بطاقة بنسبة مئوية
أنا فلان عندي الحق في الصحة، في التربية
في السكن، في التربة والموارد الطبيعية
عندي واجب واحد: نقول واه، ما نقول لا
شعال تسوى بطاقة صفرا؟ dix-huis mois وإلا غبنتني الـ
واصل اللعب صاحبي لاربيتر ما شاف والو
الشعب انهف، والو ما زعف، بزّاف والف
قاع ما تحرّكش لا، ولو احتجاج
في الضجيج الاندماج، وفي الحديث الاعوجاج
mise à jour حياتي يخصها la puce اكتيفي
عمّرلي الكارطة بغيت نعيش كي الصرصور
الحرية نحسها غير كي في السيارة نسوق
السرعة نحفظها كي نتفكر سفيان المرحوم
تفهم بلي بديت تكبر مين لحباب تروح
واه خويا راه كمل، راه كمل وقت الصغر
كل جرح يزيد للجرح يقرّب للجرف
كيما يقول المخ العنف يُكافَح بالعنف
خاطر اليوم كي البارح، في راسي ما نستارح
كل يوم نلاحظ الطريق، ما بغات قاع تتسرّح
كاين غير الحيطان ومبعّد وين بغيت نريّح
قولي تحكم في حياتي نتايا بديبلوم مدرّح
واه اسمعني، حسّ الطاقة لي نطلق
الحراسة تاعك ما طيق بلا ما نقرّب
من القصر نتاعك حل التاقة وشوف
يا سياسي فيق راك معيّشنا في سوق
هذا الشي معقول؟ قولّي نتايا المسؤول
أنت ما عندك والو ودّبر ربعين مليون
أنت شاب مغموم وتروح تكمّلها في صندوق
ولا حياتنا ما تسوى تعرفو ثمن الموت
راحولنا في لي سوت، لي ساك ولي سوسول
راحولنا ها الخو والخواتات بلا بوصول
راحولنا لحباب، نلايم ونزيد نواصل
أدمغة، فنانين مين شافوا الثقافة تسوّل
أنايا اللّول لي نحس أنا لي نخلّص
نلايملك من جيبي باش نتايا تخلص
كل صباح قابل لمراية، قولي شا تحس؟
ما قدّيت تتنفّس، الهواء راه فيه القارص
في بستان الحب غير الهم لي ينغرس
أشعة الشمس عليكم قاع ما تنعكس
غير ضو لقمر دار عليكم ؟؟؟
حتى مولاكم ما بقاش عليكم عاسّْ

[اقتباس 2]
jusqu’à quand, jusqu’à quand…
للآن الرابور ما ندارش
وعلابالي يخي علابالكم وعلابالنا قاع بلّي الرابور هذا والله ماكم قاريينو

[المقطع الثاني : الشيخ مليك]
لي صاري في الميدان ما مجرّد في التقارير
ما عندك حتّى حق باش تحكملي في المصير
تعرف شكون لي حاكم الخيطان في ذي لبلاد
لي حاكمين الحيطان لي جون، مشي البيليات
لي مصاحبين الشيطان الناس لي ما باغيين تشوف
الواقع مر عليهم كيما منصب المسؤول
حاسب تجيب حلول نتا للشباب بالقروض
ولا في الحفلات لي باين فيهم شكون معروض
عندك دار الشباب، دروس الطبخ والبابي-فوت
لي يلعب الشطرنج: الذّبّان مع النّاموس
لي داير البطاقة غير لعسّاس والخيّاطات
و لي جون برّا في الطريق قاتلينهم في اللّقطات
تهدرلي على التكوين، أهدرلي على سوق التشغيل
la menuiserie, la plomberie, la mécanique ديما
designer, d.a & l’éclairagiste وين راه الـ
خصنا مهن جدد يا جماعة قريب الـ 2010
ضارب لحية كوستيم وتسربي في التهم كيش
كلشي كيف كيف، ربيع، صيف، مشتة وخريف
fautifs الناس تحرق في البحر ونتا تقول هوما
دروك نعطيك لجديد بالاك ما علابالكش بيه
ولادهم قاع لهيه في الجامعات بالدوفيز
ولادنا في الدواوير، في الطريق تبيع الخبّيز
les p-sses وبالتهميش ديرو pile ou face عايشين
tyau de gaz قريب يلقو العفسة باش يحرقو مع الـ
راه جاوبك ياسمينة خضرة، نزيدك أنا لا بغيت
تهدر مور لحيتك بالشي لي فريمون بعيد عليك
ما طاح عندنا الطموح، السما ماشي زرقة مالبلوك
الشجرة ما خضراء والطريق الوطني محفور
أعداء العربية جامي كانوا الفرونكوفون
الناس كيما كاتب، محمد ديب ماشي بلي طون
العربية تاعي آسف ماشي تاع الخليج
العربية تاع محمد بن قيطون وبن سمير
و اطير la loupe لاجونيس كيما دي ما تلقاها بـ
لا كل راعي مسؤول على الرعية ومبعّد يحير
ما يلقى عليها وين والقضية سوء التسيير
يردهم مجرمين، تعرف انتا خير من البصير
في الدربان لكبار و في (الفرجة؟) المراهقين
ماجي تشعل النار أنا غير ؟؟؟ هذو السنين
من الضيق الانفجار عالم رب العالمين
ماشي لكلام لي يضر كيما تضيق المفاهيم
في التالي نولو نشكيو ونقولو قاع شا باغي دير؟
نشوفو بالعينين والدمعة منهم تسيل
الشي لي ما يرضي تمشّى نتايا بالقرضة
طفّاو علينا الضو ما خسروا علينا عرضة
تقول راه زاد الانتحار l’o.n.s الأرقام في
في الشريحة الشبابية تجيف روحها في الدار
مشي بكرافاطا وتجيه الهدرة في الأخبار
في الكرسي جامي قلت هذا غير مجمر تاع نار
غنّاو على لوطان وقالوا الساس ماشي في الطين
ديما انعلو الشيطان وجامي لا انقطعو اليدين
مازال راه فينا الدين تاع هذ السنين وبالدولار
ما يسلكها البرميل هذاك لي ساكن في الدوار
الفنان ماشي مثال exutoire الراب غير
جامي لا تعيش بالفن كون ما كاين الأحلام
‘’i have a dream’’
ماتوا قاع لكبار كيما وهبي في لاميزير
ما خسروا عليه تمثال، داروه في طي النسيان
لي جون بعاد عليك كيما نتا بعيد عالطريق
تسمّى ما قريت sh-t لا قرايتك خلّاتك تقول الـ
في المنبر الفتاوي، في المنظر ما تدريش
لا كنت شوية مريض ماشي بسّيف ندير عليك

- tox theory of existence

lirik lagu lainnya :

YANG LAGI NGE-TRENDS...